ஈட்டிக் கதைகள்

23 May


பத்திரிகையாளரும் எழுத்தாளருமான மாலன் பல்வேறு வார, மாத இதழ்களில் எழுதிய 55 சிறுகதைகளின் தொகுப்பு இது. பளிச்சென்று கண்கூசச் செய்யும் உண்மைகளை பல சிறுகதைகள் வெளிச்சம் போட்டுக் காட்டுகின்றன.

சமுதாயத்தின் போக்கால் அதிருப்தியுற்று அதைத் திருத்தும் வேகத்துடன் பயணிப்பவை மாலனின் எழுத்துக்கள். எனவே அவரது கதைகளில் (உ.ம்: கடமை) பிரசார நெடி தூக்கலாகவே இருக்கிறது. “எனக்குப் பூடகமாகச் சொல்வதில் நம்பிக்கை இல்லை. எனக்கு ஊசிகள் செய்வதில் ஆர்வம் இல்லை. ஈட்டிகள் செய்யப் பிறந்தவன் நான்” என்று அவரே தனது முன்னுரையில் சொல்லிவிடுகிறார்.

குடும்ப உறவுகள் தொடர்பான கதைகளில் நெகிழ்ச்சி இழையோடுகிறது. ‘புதுமைப்பித்தனின் எக்ஸ்ரே’ போன்ற உருவகமான கதைகளும் உண்டு. பெண்களை நசுக்கும் சமுதாயம் மீதான கோபமும் சில சிறுகதைகளில் ஆவேசமாக வெளிப்படுகிறது.

முன்னோடி எழுத்தாளர்கள் தி.ஜானகிராமன், பிரபஞ்சன் ஆகியோரது அணிந்துரைகள் மாலனை சிறப்பாக அறிமுகம் செய்கின்றன. இச்சிறுகதைகள் வெளிவந்த இதழ்களைக் குறிப்பிட்டவர்கள், வெளியான தேதியையும் குறிப்பிட்டிருந்தால் ஆய்வாளர்களுக்கு உதவியாக இருந்திருக்கும்.

சிறுகதையின் வடிவ நேர்த்தி (உ.ம்: அறம்), அதை பிரசாரத்துக்குப் பயன்படுத்திக் கொள்ளும் உத்தி, சிறுகதைக்கு தலைப்பிடல் (உ.ம்: மாறுதல் வரும்), பரீட்சார்த்தச் சிறுகதை (உ.ம்: வழியில் சில போதைமரங்கள்) என இளம் எழுத்தாளர்கள் படித்துப் புரிந்துகொள்ள வேண்டிய நுட்பங்கள் பல இத்தொகுப்பில் உள்ளன; பதிப்பும் சிறப்பாக உள்ளது.

***

மாலன் சிறுகதைகள்

மாலன்

416 பக்கங்கள், விலை: ரூ. 200

கவிதா பப்ளிகேஷன்,

தபால்பெட்டி எண்: 6123, 8, மாசிலாமணி தெரு,

பாண்டிபஜார், தி.நகர்,  சென்னை – 600017,

போன்: 044- 2436 4243.

.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: