விளையாட்டு விபரீதம்

4 Aug

மூட்டைப்பூச்சிக் கடி பழகிவிட்டது.
தோல் மரத்துவிட்டது.
கொசுக்கடி சகித்து
சுகமாகத் தூங்குபவர்களுக்கு
அட்டைகள் உறிஞ்சும் ரத்தம்
சாதாரணம் தான்.

குளியலறைகளிலும்
சமையலறைகளிலும்
ஊரும் கரப்பான் பூச்சிகள்;
சுவர்களில் பல்லிகள்.
தண்ணீர்த் தொட்டியில் புழுக்கள்.
எல்லாம் பழகிவிட்டது.

வீட்டிலிருக்கும் சர்க்கரையை
கொள்ளையிடும் செவ்வெறும்புகள்;
அடுப்பிலிருக்கும் பாலை
கவிழ்த்து ருசிக்கும்
திருட்டுப் பூனைகள்;
எதிர்வீட்டைக் காவல் காக்கும்
நன்றியில்லா நாய்கள்-
எல்லாமே விளையாட்டாகிவிட்டது.

இப்போதெல்லாம்
எப்போதாவது தட்டுப்படும்
தேளும் பாம்பும் பூரானும்
கண்டால் மட்டுமே அச்சம்.

அடிக்கடி நடக்கும் ஊழல்களும்
எப்போதாவது நடக்கும் விபரீதங்களும்
அரியவர்களின் எளிய
பொழுதுபோக்காகிவிட்டன;
கரவொலி எழுப்பி
கரங்கள் சிவந்து விட்டன.

தோல் மரத்துவிட்டது;
மூட்டைப்பூச்சிக் கடி பழகிவிட்டது.

.

Advertisements

One Response to “விளையாட்டு விபரீதம்”

  1. Kavialagan 04/08/2012 at 10:09 AM #

    Arumai

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: