Archive | November, 2014

புள்ளிக் கோலங்கள்

7 Nov
 
வளைந்தோடும் கோடுகளுக்குள்
கோலங்களை தகவமைக்கும்
சிறைப்பட்ட புள்ளிகள்.
 .
தொடக்கமும் முடிவும்
புலப்படாத நெளிகோடுகளை
வழிநடத்தும் அதே புள்ளிகள்.
 .
புள்ளி இல்லாமலும்
கோலம் போடலாம்.
கோடுகளில் இயைந்த புள்ளிகள்
அப்போதும் எக்காளமிடும்.
 .
புள்ளி எனப்படுவது யாது?
கோட்டின் தொடக்கமா? முடிவா?
கோடுகள் முழுவதும்
கோடுகளுக்குள்ளும்
இறைந்துகிடப்பது
புள்ளிகளின் ராஜ்ஜியமா?
 .
கோடுகள் சந்திக்கும் இடங்களில்
புள்ளிகள் கண் சிமிட்டுகின்றன.
புள்ளிகளுக்குள் சிறைப்படாத
கோலங்களிலும் மிளிரும்
புள்ளிகளின் ஜாலங்கள்.
.
Advertisements