Archive | July, 2016

கடைக்கோடியில் பிறந்து தலைமகன் ஆனவர்!

26 Jul
Kalam3

ஆ.ப.ஜெ.அப்துல் கலாம்

விஞ்ஞானி ஒருவர் நாட்டின் தலைமகனாக, குடியரசுத் தலைவராக உயர்வது என்பது மிகவும் அபூர்வம். அத்தகைய அரிய சாதனையாளர், பாரத மக்களின் உள்ளம் கவர்ந்த விண்வெளிப் பொறியியல் விஞ்ஞானி ஆ.ப.ஜெ.அப்துல் கலாம். Continue reading

Advertisements

நீதிக்கான போராட்டம்

26 Jul

Piyush Manush

சமுதாயத்தில் தவறிழைப்பவர்களைத் திருத்தவும், கொடிய குற்றங்களைச் செய்பவர்களுக்கு தண்டனை அளிக்கவும்தான் சிறைகள் உருவாக்கப்பட்டன. ஆனால், குற்றவாளிகளுக்கு பாதுகாப்பான இருப்பிடமாகவும், அப்பாவிகளுக்கு ரண வேதனை அளிக்கும் சித்ரவதைக் கூடமாகவும் நமது சிறைகள் மாறி வருகின்றன. அதற்கான நிரூபணம்தான், சமூக சேவகர் பியூஸ் மானுஸ் சேலம் மத்திய சிறைக்குள் வைத்து கடுமையாகத் தாக்கப்பட்டிருக்கும் நிகழ்வு. Continue reading

பல தலைமுறை விஞ்ஞானிகளை உருவாக்கியவர்

19 Jul
கே.ஆர்.ராமநாதன்

கே.ஆர்.ராமநாதன்

இந்திய விஞ்ஞானிகள் சிலரது பெயரைக் கூறுமாறு சொன்னால் உடனே நமக்கு நினைவுக்கு வருபவை சர் சி.வி.ராமன், ஜெகதீச சந்திர போஸ், விக்ரம் சாராபாய், ஹோமி பாபா போன்ற சிலரது பெயர்கள் தான். அத்தகைய மூத்த தலைமுறையினருடனும் பணிபுரிந்து, அடுத்து பல தலைமுறை விஞ்ஞானிகளையும் வளர்த்தெடுத்த விஞ்ஞானியான கே.ஆர்.ராமநாதனை அறிவியல் மாணவர்களே தெரிந்திருப்பதில்லை. அவரது வாழ்வே ஒரு விஞ்ஞான வேள்வியாகும். Continue reading

உயிரபிமானம்

18 Jul
 .
தாவரங்களுக்கும்
உயிருண்டு என்றவர்
பாரதத்தின் ஜெகதீச சந்திரர்.
 .
வாடிய பயிரைக்
கண்டவுடன் வாடியவர்
அருளாளர் வள்ளலார்.
 .
புல்லைப் பூடாய் மரமாகும்
உயிரின் பரிணாமத்தை
பாடியவர் மணிவாசகர்.
 .
எல்லாம் தெரிந்தாலும்
மரத்தை வெட்டுவதில்
யார்க்கும் ஈடில்லை நாம்.
 .
மனிதாபிமானம் பேசியபடி
கழுத்தறுப்பவர்களிடம்
எதிர்பார்க்கலாமா உயிரபிமானம்?
 .
.