Archive | கவிதை RSS feed for this section

முருகன் பெருமை!

13 Nov

முருகா உன் புகழ்தனையே பாட முடியுமா?
  முத்தமிழின் முதல்வா, என் குறையைப் போக்க வா!
சருகானேன் உனையெண்ணி சண்முகநாதா!
  சங்கடத்தைத் தீர்த்திடவே சடுதியில் வாராய்!

(முருகா)

திருக்கயிலை வாசனுடைய குருவாய் ஆனாய்!
  தினையுண்ணும் குறத்திக்கு கணவனும் ஆனாய்!
கருநீலக் கண்ணனுடைய மருகன் ஆனாய்!
  கந்தா உன் தத்துவத்தை விளக்க முடியுமா?

(முருகா)

நான்முகனின் கர்வத்தைக் குட்டி ஒழித்தாய்!
  நாசஉரு அரக்கர்களை நடுங்கிடச் செய்தாய்!
வேண்டியவர் குறை நீக்க வேலைத் தாங்கினாய்!
  வேதங்களும் புகழுகின்ற முருகா! முருகா!

(முருகா)
எழுதிய நாள்: 28.06.1988
Advertisements

கவிதா!

18 Oct

கவிதா வாணீ, கலைகளின் ஆழி!
பவிதாம்பிகையே, பங்கயச்செல்வி!
வீணாதரணீ, வித்தக தேவி!
ஞானாம்பிகையே, நல்லருள் தருவாய்! 

 

மய்யமாக ஒரு கவிதை…

13 Oct

கதவு திறந்து கிடக்கிறது யாருமின்றி.
(ஆள் அரவமின்றின்னும் போட்டுக்கலாம்)
கேட்காமல் நுழையலாமா?
கதவுக்குப் பின்னால் கட்டையுடன்
யாரேனும் இருப்பார்களோ?
குறுக்கே ஓடும் பூனை கௌவிக் கொண்டிருப்பது
எலியா, பட்சணமா?
பட்சணம் என்றால் வீட்டுக்குள் யாரோ இருக்கிறார்கள்.
எலி என்றாலும் யாராவது வீட்டுக்குள் இருக்க வாய்ப்புள்ளது என்பதை மறுக்க முடியாது.
அழைத்தால் யாரும் இல்லாத
அந்த வீட்டில் யாருக்குக் கேட்கும்?
அல்லது வீட்டில் இருப்பவர்கள் செவிடாக இருக்கவும்
சாத்தியம் உள்ளது.
சந்தடி இல்லாமல் நுழைந்து
பார்த்தால்தான் என்ன?
உள்ளேதான் சந்தடி இல்லையே?
எதற்கும் கட்டையுடன் உள்ளே நுழையலாமா?
தாழ்வாரத்தில் உலரும் துணிகளைக் காண்கையில்
இப்போதுதான் சலவை செய்ததுபோலத் தெரிகிறது.
யாரோ இருப்பதுபோலத் தான் இருக்கிறது.
துவைத்துவிட்டு வெளியேயும் சென்றிருக்கலாம்.
ஹலோ யாருங்க வீட்டில?
ஆமாம் இது வீடு தானா?

.
பி.கு  டெடிகேட்டட் டு மை பிலவ்ட் ஏக்டர்
க மலஹாசன்.

வீரத்துறவியின் விழுமிய பயணம்!

2 Oct

 

வீரத்துறவியின் விழுமிய பயணம்

வெற்றியை நோக்கிய இந்துவின் சரிதம்!

விரைவினில் வெற்றியை எய்திட வேண்டின்

வீரத்துறவியின் அணியினில் சேர்வோம்!

 

Continue reading