Archive | முகநூல் பதிவு RSS feed for this section

பயணங்கள் முடிவதில்லை…

4 May

உலகம் முழுவதும் அச்சுறுறுத்திவரும் கொரோனா வைரஸ் கிருமியால் இன்று ஒவ்வொருவரின் வாழ்க்கையும் பாதிக்கப்பட்டுள்ளது- சிவன் முதுகில் விழுந்த பிரம்படி அனைவர் முதுகிலும் விழுந்தது போல.

இதன் காரணமாக உலகம் முழுவதும் ஊரடங்கில் தவிக்கிறது. இந்தியாவும் இதில் விதிவிலக்கல்ல. கொவிட்-19 என்னும் சீன வைரஸ் தாக்கத்தால் நுரையீரல்கள் செயலிழந்து உயிரை மாய்ப்பதைத் தடுக்கவோ, தக்க சிகிச்சை அளிக்கவோ சரியான மருந்துகள் ஏதும் இதுவரை கண்டறியப்படாததால், மக்கள் தங்களை தனிமைப்படுத்திக் கொள்வதே சரியான தற்காப்பு நடவடிக்கை என்று உலக சுகாதார நிறுவனமே வலியுறுத்திவிட்டது.

இந்தியாவில் கடந்த மார்ச் 24ம் தேதி ஊரடங்கின் முதல் கட்டம் அறிவிக்கப்பட்டது. மார்ச் 25 முதல் ஏப்ரல் 14 வரையிலான அந்த முதல் கட்டத்தின் மொத்த நாட்கள்: 21. அடுத்து ஊரடங்கு மேலும் 19 நாட்களுக்கு, மே 3 வரை இரண்டாம் கட்டமாக நீட்டிக்கப்பட்டது. தற்போது மூன்றாம் கட்டமாக மே 4 முதல் மே 17 வரை 14 நாட்களுக்கு நீட்டிக்கப்பட்டுள்ளது. மே 17க்குப் பிறகு ஊரடங்கு நீட்டிக்கப்படுமா என்பதை அன்றைய சூழல் முடிவு செய்யும். Continue reading

தேசமே தெய்வம் என்றவர்!

25 Mar
நான்கு சிறுவர்களுடன் 1925இல் நாகபுரியில் இவர் துவங்கிய சிறுகூடுதல், இன்று உலகின் மாபெரும் தன்னார்வ அமைப்பாகி இருக்கிறது.
.
இவரது பெயரை பலருக்குத் தெரியாது. ஆனால் இவர் நிறுவிய அமைப்பை இன்று உலகமே அறியும். இந்திய நாட்டின் தற்போதைய அற்புதமான மாற்றங்கள், இந்த அமைப்பின் உழைப்பின் ஒருங்கிணைந்த பலனே!

Continue reading

என்னைப் போல் ஒருவன்!

8 Mar
திமுக பொதுச்செயலாளர் திரு. க.அன்பழகன் வெள்ளிக்கிழமை (மார்ச் 7, 2020) காலமானபோது, எனது முகநூல் பக்கத்தில் ஓர் அஞ்சலிக் குறிப்பை (கவிதை அல்ல) பதிவு செய்திருந்தேன். அதற்கு வந்த சில பின்னூட்டங்களே இந்தப் பதிவுக்குக் காரணம்.
.
நீங்கள் ஏற்காவிட்டாலும் திரு. அன்பழகன் தமிழக அரசியலில் சுமார் 70 ஆண்டுகள் முக்கிய பிரமுகராக இருந்திருக்கிறார். அவரது வாதங்கள் பொய்யாக இருந்திருக்கலாம்; பிரசாரம் குதர்க்கமாக இருந்திருக்கலாம். அவரது செய்கைகள் உங்களைப் புண்படுத்தி இருக்கலாம். ஆனால், தமிழக அரசியலில் திராவிட அரசியலின் முக்கியத்துவத்தையோ, அதற்கு அன்பழகன் அவர்களின் பங்களிப்பையோ யாரும் மறைக்க முடியாது. அவரது கருத்துகளுடன் முற்றிலும் முரண்படுபவன் நான் என்பதை என்னை அறிந்தவர்கள் அனைவரும் அறிவார்கள். அது தனிக்கதை. ஆனால், அவர் இறந்தபோது, அவரது ஆன்மா சாந்தி அடையப் பிரார்த்திக்க ஓர் இந்துவாக எனக்கு உரிமை இருக்கிறது. அவரது பாவ, புண்ணியங்களுக்கு ஏற்ப இறைவன் அவருக்கு நியாயம் வழங்கட்டும். ஆனால், அவரது உயிர் பிரிந்த சமயத்தில் அவரை வசை பாடுவது ஏற்புடையதல்ல.

Continue reading

விடாது கருப்பு…

24 Jan

1971ல் சேலத்தில் தி.க. கழிசடைகள் நடத்திய ஆபாச ஊர்வலம் தொடர்பான செய்திகள் வரிசையாக வந்து கொண்டிருக்கின்றன.

துக்ளக், தி ஹிண்டு, தினமணி ஆகிய பத்திரிகைகள் பழைய செய்திகளை மீண்டும் வெளியிட்டு, மக்களுக்கு வரலாற்றின் கறை படிந்த பக்கங்களை நினைவுபடுத்தி இருக்கின்றன.

வரலாற்று அனுபவங்களில் இருந்து பாடம் கற்காதவன் முட்டாள். திமு.க. ஆட்சியில் இருந்ததால் அதிகாரத் திமிரில் தி.க. கழிசடைகள் நடத்திய 1971 அராஜகம் குறித்து கடவுளை நம்புவோர் அனைவரும் அறிவது அவசியம்,. இல்லாவிட்டால் ‘கடவுளை நம்புபவன் முட்டாள்’ என்று பல இடங்களில் தி.க. கழிசடைகள் வைத்துள்ள வாசகம் உண்மையாகிவிடும்.

தினமணியின் அன்றைய ஆசிரியர் திரு.ஏ.என்.சிவராமன் எழுதிய தினமணி தலையங்கமும் (16.02.1971), ஏ.என்.எஸ். டயரி் குறிப்புகளில் எழுதிய விமர்சனமும் (17.02.1971), இன்றைய (24.01.2020) தினமணி நாளிதழில் வெளியாகி உள்ளன.

உண்மைகள் உறங்குவதில்லை.

துக்ளக் பொன்விழாவில் இந்த உண்மையைத் தான் நடிகர் ரஜினிகாந்த் சொன்னார். அவரை மன்னிப்பு கேட்குமாறு மிரட்டினார்கள். அவர் அதனை நாகரிகமாக மறுத்திருக்கிறார். ‘உண்மையைச் சொன்னதற்காக மன்னிப்புக் கேட்க மாட்டேன்’ என்று அவர் சொன்னது, தமிழகத்தில் சிலருக்கு ஒவ்வாமையை ஏற்படுத்தி இருக்கிறது. இவ்விஷயத்தில் திமுகவுக்கு வக்காலத்து வாங்கும் அதிமுகவினரை என்ன சொல்வது என்று தெரியவில்லை. ஜெயலலிதா அம்மையார் இருந்திருந்தால் இப்படி அதிமுகவினர் உளறுவார்களா?

இப்போது ரஜினிக்குக் கொலை மிரட்டல் விடுத்திருக்கிறார்கள் சில தி.க. காலிகள். இந்த வன்முறையாளர்களை எந்த அரசியல் தலைவரும் கண்டிக்கவில்லை என்பது அதிர்ச்சி அளிக்கிறது. தி ஹிண்டு தவிர்த்து வேறெந்த ஊடகமும் தி.க.வினரின் மிரட்டல் போக்கைக் கண்டிக்கவில்லை. அந்தப் பத்திரிகையும் கூட இந்தக் கொலை மிரட்டலை கண்டுகொள்ளவில்லை.

அதிமுக அரசுக்கு உண்மையிலேயே மாநிலத்தைத் தாங்கள் தான் ஆள்கிறோம் என்ற எண்ணம் இருக்குமானால், ரஜினிக்குக் கொலை மிரட்டல் விடுத்த ரௌடிகளை உடனடியாக குண்டர் சட்டத்தில் கைது செய்ய வேண்டும்.

2020லேயே பலரது முன்னிலையில் இப்படி அராஜகமாகப் பேசுவோர் 1971இல் என்னவெல்லாம் பேசி இருப்பார்கள் என்பதை யூகிக்க முடிகிறது. 1971இல் தி.க.வினருக்கு வக்காலத்து வாங்கிக் கொண்டிருந்தார் அன்றைய முதல்வர் மு.கருணாநிதி. அதேபோல, இன்றைய முதல்வர் எட்ப்பாடி பழனிசாமியும், ரஜினிக்குக் கொலை மிரட்டல் விடுத்த குண்டர்களுக்கு ஆதரவாக இருக்கப் போகிறாரா? நாம் எந்தக் காலத்தில் வாழ்ந்து கொண்டிருக்கிறோம்?

அன்றைய அராஜகத்துக்கு மன்னிப்புக் கேட்க வேண்டிய கயவர்கள் இந்த நாத்திக நாதாரிகள். ஆனால், உண்மைகள் வெளிவந்துவிட்டதே என்ற ஆங்காரத்தில், ரஜினிக்குக் கொலை மிரட்டல் விடுத்துக் கொண்டிருக்கிறார்கள்.

மாநிலத்தில் அமைதியைப் பேண வேண்டிய அரசு இனிமேலும் பொறுமை காக்கக் கூடாது. இந்த விஷயத்தில் மாநிலத்தில் உள்ள தனது கூட்டணி நண்பர்களை நிர்பந்திப்பது பாஜக தலைவர்களின் கடமை. அதிமுக அரசு தொடர்ந்து நாடகம் ஆடினால், மத்திய அரசு தேவையான நடவடிக்கைகளை எடுக்கத் தயாராக வேண்டும்.

நினைவிருக்கட்டும், இது 1971 அல்ல, 2020!

தினமணி (24.01.2020)

மன்னிப்புக் கேட்க வேண்டியவர்கள் யார்?

23 Jan

உண்மைகளைப் புதைக்க முடியாது.
மூடி மறைக்க முயன்றால் எரிமலை போல உண்மை வெடித்துக் கிளம்பும்.

இப்போதாவது திகவினர் தங்கள் 1971 நிகழ்வு உள்ளிட்ட முந்தைய தவறுகளுக்கு மன்னிப்புக் கேட்க வேண்டும்.

அதைவிடுத்து, மறந்துபோன கசப்பான நிகழ்வை நினைவுபடுத்த உதவிய நடிகர் ரஜினிகாந்தை மன்னிப்புக் கேட்குமாறு மிரட்டும் கயவாளித்தனத்தைத் தொடர்வது அவர்களுக்கு நல்லதல்ல.

இது 1971 அல்ல..

1971இல் தினமணிய்யில் வெளியான செய்திகலின் மீள்பிரசுரம்- தினமணி (23.01.2020)

இந்நாளில் அன்று…

28 Nov

1997 ஆம் ஆண்டு நவம்பர் 28 இல்
கோவை- உக்கடத்தில் நடந்தது போக்குவரத்துக் காவலர் செல்வராஜ் படுகொலை. கொன்றவர்கள் அல்உம்மா பயங்கரவாதிகள். அப்போது நடந்தது திமுக ஆட்சி.

ஒரே இருசக்கர வாகனத்தில் இஸ்லாமிய இளைஞர்கள் மூவர் வந்ததைக் கண்டித்ததே அவர் செய்த ‘குற்றம்’! பரபரப்பான சாலை நடுவே பிற காவலர்கள், மக்கள் கண்ணெதிரில் அவர் கொல்லப்பட்டார்.

செல்வராஜ் படுகொலையை அடுத்து, ‘காவலர்களுக்கே பாதுகாப்பில்லையா? எங்கள் கைகளைக் கட்டாதீர்’ என்ற முழக்கத்துடன் கோவை மாநகரில் காவல் துறையினர் குடும்பங்களுடன் போராட்டம் நடத்தினர்.

 

இதையடுத்து நடந்த -காவலர்களும் இணைந்து நடத்திய – கலவரத்தில் இஸ்லாமிய மக்கள் கடுமையாகப் பாதிக்கப்பட்டனர். அதற்கு பதிலடியாகவே, 1998 பிப்ரவரி 14இல் கோவையில் பாஜக தலைவர் அத்வானி பங்கேற்க இருந்த பொதுக்கூட்டப் பகுதி உள்பட 13 இடங்களில் பயங்கரவாதிகள் தொடர் குண்டுவெடிப்புகளை நிகழ்த்தி 58 பேரைக் கொன்றனர்; அவற்றில் நூற்றுக்கணக்கானோர் படுகாயம் அடைந்தனர்.

அதன்பிறகு கோவை மாநகரம் மீள 10 ஆண்டுகளுக்கு மேலானது. இன்னமும்கூட 1997க்கு முந்தைய இரவு நேர சுதந்திரமான கோவையைக் காண முடியவில்லை.

திமுக அரசின் பயங்கரவாத ஆதரவு நிலைப்பாட்டுக்கு கோவை மாநகரம் கொடுத்த விலை இது. அதன் தொடர்ச்சியாக லோக்சபா தேர்தலில் திமுக கூட்டணி பலத்த அடி வாங்கியது. வரலாறு கற்பிக்கும் பாடங்களை மறந்தவர்களுக்கு என்றும் மீட்சி இல்லை.

அன்று அல்உம்மா அமைப்பில் இருந்த பலரும், அந்த அமைப்பு அரசால் தடை செய்யப்பட்ட பிறகு வேறு பெயர்களில் அரசியல் கட்சிகளாக இயங்குகிறார்கள். அவர்களுடன் திராவிட, இடதுசாரி, முற்போக்குவாதிகள் குலவுகிறார்கள்.

சரித்திரம் மறப்பதும்
காயங்களை மறைத்து நடிப்பதும்
ஆபத்து. ஆபத்து.
இதை நினைவுபடுத்துவது
கோவை குடிமகனின் கடமை!

Continue reading

மகா’ வேடதாரிகள்!

26 Nov

முகநூல் உலகம் ஒரு வித்யாசமான உலகம். உடனடி உணர்ச்சிவசங்களே இங்கு கோலோச்சுகின்றன. எந்த ஒரு விஷயம் குறித்தும் உடனடி பதிவும் விவாதமும் முகநூலின் தவிர்க்க முடியாத அங்கம்.

ஆனால்-

இரு தினங்களுக்கு முன் பாஜகவின் தேவேந்திர பட்னாவிஸ், தேசியவாத காங்கிரஸின் அஜித் பவார் உதவியுடன் மகாராஷ்டிரத்தில் ஆட்சி அமைத்தபோது குதூகலமாகப் பதிவிட்டு பொங்கிய பலர் இன்று விரக்தி வெளிப்பட புலம்பல்களைப பதிவிட்டு வருகிறார்கள். இது தேவையற்ற வருத்தம்.

இரு தினங்களுக்கு முன் பாஜகவின் அதிரடியைக் கண்டு அதிர்ந்த பாஜக வெறுப்பாளர்கள் பலர் இன்று குதூகலமாக மதச்சார்பின்மையை முழங்குகிறார்கள். கொஞ்சகாலம் மகிழட்டும். தவறில்லை. சிவசேனை செக்யூலரானது சந்தோஷமே. Continue reading

கலையும் கழிசடையும்…

19 Nov

எமது ஆலயங்கள்
பக்தியின் விளக்கமான 
சிற்பக் கருவூலங்கள்.

இறையன்பால்
கல்லில் எழுதப்பட்ட
காவியங்கள்.

கணிதமும் கற்பனையும்
கைகோர்த்த
அழகின் தோரணங்கள்.

மனித வாழ்வின்
நிலையாமையைச் சொல்ல
அமைக்கப்பட்ட
அமரத்துவ சின்னங்கள்.

கலைத்திறனும்
தொழில் நேர்த்தியும்
போட்டியிடும் சாகசங்கள்.

இவையெல்லாம் தெரியாமல்
கோபுரத்தில் இருக்கும் சில சிலைகளின்
ஆபாசம் தெரிபவர்கள்
பரிதாபத்துக்கு உரியவர்கள்.

தேனீக்கும் ஈக்கும்
உள்ள வித்யாசம்
அதன் தேர்வில் இருக்கிறது.

கழிசடைகளுக்கு
கலையும் தெரியாது.
கடவுளும் புரியாது.

முகநூல் பதிவு (19.11.2019)

ஆசானுக்கு விண்ணப்பம்!

15 Nov

எழுத்துலக ஆசான் ஜெயமோகன் அவர்களால் பாராட்டப்படும்போதே நினைத்தேன், இந்த ஆளும் விரைவில் கடுக்காய் கொடுப்பார் என்று. அந்த அளவுக்கு தொல்.திருமாவளவனை உச்சியில் வைத்துக் கொண்டாடி இருந்தார் ஆசான்.

//நான் திருமாவளவன் அவர்களை பல ஆண்டுகளாக அறிவேன். அவருடைய உருவாக்கக் காலகட்டத்தில் உடனிருந்தவர்களையும் அறிவேன். நான் அறிந்தவரை, தனிப்பட்ட முறையில் பண்பாளர், மானுடரிடையே மேல்-கீழ்நிலை நோக்காதவர், உண்மையான வாசிப்பும் அதிலிருந்து உருவாகும் அறிவார்ந்த தகுதியும் கொண்டவர், நல்லிணக்க அரசியலில் நம்பிக்கை கொண்டவர். எந்நிலையிலும் குடியாட்சி நெறிகளை மீற விழையாதவர், பொருளியல் ,சமூகவியல் பிரச்சினைகள் அனைத்திலுமே ஒட்டுமொத்தநோக்கும் நெடுங்காலப்பார்வையும் கொண்டவர். ஆகவே இன்றிருக்கும் தமிழக அரசியல்வாதிகளில் ஐயமின்றி அவரே தலையாயவர்//

இப்படி அவரை தலையாயவராகக் கொண்டாடியபோதே (மே 12, 2019) கொஞ்சம் உறுத்தியது. இவரால் பாராட்டப்பட்ட ராமசந்திர குஹா, அரவிந்த் கேஜ்ரிவால், அண்ணா ஹசாரே, சீமான், ராகுல் காந்தி ஆகியோரின் நிலைப்பாடுகளைப் பார்த்தவர்களுக்கு திருமாவளவன் என்ன ஆகப் போகிறாரோ என்ற அச்சம் ஏற்படுவதில் பிழையில்லை. Continue reading

மகத்தான மாமனிதரின் நூற்றாண்டு துவக்கம்

10 Nov

தத்தோபந்த் தெங்கடி
(1920 நவ. 10- 2004 அக். 14)

தேசத்தின் சமூக, அரசியல், கலாசாரச் சூழலில் மாற்றம் நிகழ்த்திய பாரதீய சிந்தனையாளர்களுள் அமரர் திரு. தத்தோபந்த் தெங்கடிக்கு முதன்மையான இடமுண்டு. அவர் சிந்தனையாளர் மட்டுமல்லாது நிகரற்ற அமைப்பாளராகவும் விளங்கினார். கட்சி அரசியலைத் தாண்டி ஹிந்துத்துவ சிந்தனையைக் கொண்டுசென்று, தனக்கே உரிய வழியில் அதற்கு நவீன வடிவமும் கொடுத்தார் தெங்கடி. இன்று அவரது பிறந்த நூற்றாண்டு துவங்குகிறது. Continue reading

%d bloggers like this: