அஞ்சலி

21 May

அவர் ஒரு மகான்;
சிறந்த தீர்க்கதரிசி;
இணையில்லாப்
பெருந்தலைவர்;
அவரது எண்ணங்கள்
எக்காலத்துக்கும்
ஏற்புடையவை;
முக்காலமும் உணர்ந்த
முனிவர் அவர்.
பிறந்த நாளிலேயே 
இறந்துபோன 
பெருந்தகை அவர். Continue reading

சிந்தியல் வெண்பா

20 May


நல்லவர் நாட்டம் நாவினில் ஒடுக்கம்
வல்லவர் ஆகிட வழியது ஒன்றே
அல்லவை அறவே ஒழி.

 

இரக்கம்…

20 May

காயப்படுத்தியவனுக்கும்
பால் வார்த்தது
ரப்பர் மரம்.
.

நாளை பறிக்கவிருந்த
கொய்யாக்கனியை
இன்றே கடித்தது அணில்.

.
அநாதையாய்க் 
கிடக்கிறது 
அறுந்துவிட்ட செருப்பு.
.

சிறுநீரகம் 
தானம் செய்தார் 
இருகண்ணும் இல்லாதவர்.
.

முதலில் திகைப்பு
இடையில் இணைப்பு
கடைசியில் ஹைகூ.

 

-விஜயபாரதம் (18.09.1998)

வேண்டுவன – 2

19 May

கடவுளின் கருணை கண்டிடல் வேண்டும்
திடம் மிகு வீரம் திளைத்திடல் வேண்டும்
மதங்கள் மனிதனை உயர்த்திடல் வேண்டும்
மதங்களில் வேற்றுமை மறைந்திடல் வேண்டும்!

Continue reading

சாதா‘ரண’ தொடர்பு

19 May
ஒவ்வொரு நாளும் உங்களால்
ரத்த தானம் செய்ய முடியுமா?
பசுவால் முடியும் –
பாலின் வடிவில்.
.
எல்லாம் கறந்துவிட்டு
அடிமாடாக்க
மனிதனால் மட்டுமே
முடியும்.

Continue reading

வேண்டுவன -1

18 May

மாதா,பிதா:
அடிமரம் இற்றபின் அதனுடைய விழுதுகள்
ஆலத்தைத் தாங்குதல் போல
வடிவினை உந்தனுக்கு ஈந்திட்ட பெற்றோரின்
முதுமையில் உதவிடல் வேண்டும்!
.
குரு:
நல்லவர் மிக்குயர் நிலையினை அடையினும்
நன்றியைக் காட்டுதல் போல
பல்கலை கற்றிட கல்வியை உதவிய
குருவினை மதித்திடல் வேண்டும்!
.
தெய்வம்:
அண்டங்கள் யாவையும் அவனுடைய பார்வையில்ஆட்பட்டிருக்கின்றதன்றோ?
வண்டிலும் வள்ளிக் கிழங்கிலும் வாழ்ந்திடும்
வள்ளலை வணங்கிடல் வேண்டும்!
.
(எழுதிய நாள்: 04.06.1989)

பவனி

18 May


ஓபெல் அஸ்திரா
மாருதி ஜென்
கான்டசா கிளாசிக்
அம்பாசிடர்
பிரீமியர் பத்மினி
ஹூண்டாய் சான்ட்ரோ…
பலநிற கார்கள்
பவனி போகின்றன-
நடைபாதையில் உறங்கும்
நாடோடியைக் கடந்து.

விஜயபாரதம் (24.09.1999)

நீயும் நானே!

17 May

ஜய ஜய சங்கர! ஹர ஹர சங்கர!

ஆண்டவனின் படைப்பினிலே அனைவரும் ஒன்று!
அதையுணர்த்த அவதரித்தார் சங்கரர் அன்று!
தூண்டுவதால் சுடராகும் ஜோதியைப் போலே
தூயோனே சங்கரரை மூண்டுஎழுப்பினான்!

(ஜய)

அன்றொரு நாள் பாலகனார் விடியற்காலையில்
அவசரமாய் நீராடித் திரும்பி வந்தனர்!
அன்றலர்ந்த தாமரை போல் தேகம் ஒளிவிட
ஆதவனை வணங்கிக்கொண்டு நடந்து வந்தனர்!
என்றாலும் மனம் குழம்பி, மதி மயங்கியே
அமைதியற்று, நடை தயங்கி வந்த போதிலே,
‘சண்டாளன்’ என்றொருவன் எதிரில் வந்தனன்;
சங்கரரின் பாதம் தொட்டுப் பணிந்து நின்றனன்!

(ஆண்டவனின்)

சங்கரரோ மனம் குலைந்து வெறுப்பு கொண்டனர்!
‘சண்டாளன்’ எனக் கூசித் தள்ளி நின்றனர்!
அங்கம் உடன் ஒளி குறைந்து மாசுபட்டது
பாலகனோ பதைபதைத்து பரிதவித்தனர்!
அப்போதே சண்டாளன் காட்சி கொடுத்தான்;
அவன் வேறு யாருமில்லை- ஈசன்! ஈசன்!
அப்போதே சங்கரரும் சபதம் எடுத்தார்;
அது வேறு எதுவுமில்லை- ‘நீயும் நானே’!

(ஆண்டவனின்)

சரித்திரமாய் நம் முன்னே சங்கரர் உள்ளார்!
சற்குருவாய், ஞானத்தை வழங்கிய வல்லார்!
ஹரிஹரனை சண்மதமாய் வணங்கிடச் சொன்னார்!
சங்கமென ஒற்றுமையாய் வாழ்ந்திடச் சொன்னார்!
பிறப்பினிலே ஜாதி இல்லை! தாழ்வும் இல்லை!
சண்டாளன், மாமுனிவன் என்பதும் இல்லை!
மறப்பது ஏன், மானிடனே? மதியுள்ளோனே!
மனிதர்கள் நாம்- ஆத்மாவின் ராகம் தானே?

(ஆண்டவனின்)
(ஜய)
குறிப்பு: 
1991ஆம் ஆண்டு காஞ்சி சங்கர மடம் நடத்திய கவிதைப் போட்டியில் பங்கேற்று, ஆறுதல் பரிசாக ‘வெள்ளிக்காசு’ பெற்ற கவிதை இது.

வாழ்க்கை

17 May


நாவின் ருசி மயக்கத்தில்
வயிற்றுவலியை
மறந்த வாழ்வு.
நாப்புண்ணை சபிக்கும்
பசி படர்ந்த வயிறு.
இரண்டினூடே
ஊசலாடுகிறது 
வாழ்க்கை.

விஜயபாரதம் (28.01.2000)

நாம் பிறந்த மண்

16 May

நாம் பிறந்த மண் ஹிந்துஸ்தானம்
நாதியற்றுக் கிடந்திடல் தீமை!
நானிலம் மீதில் வேறொரு நாடு
நாட்டில் நமக்கிணை உண்டோ சொல்வாய்!

. Continue reading

%d bloggers like this: