Tag Archives: அக்கினிக் குஞ்சுகள்

ஒடுக்கத் துகள் இயற்பியல் நிபுணர்

23 Jan

டி.வி.ராமகிருஷ்ணன்

இயற்பியலில் ஒடுக்க நிலை பொருள் இயற்பியல் (Condensed Matter Theory) என்ற நவீனத் துறை வளர்ந்து வருகிறது. இது, பொருளின் அணுக்களில் ஏற்படும் மாற்றங்களை இயற்பியல்ரீதியாக ஆராய்வதாகும்; குவான்டம் இயற்பியல், மின்காந்தவியல், இயந்திரப் புள்ளியியல் ஆகிய துறைகள் இணைந்த இத்துறையில், உலக அளவில் வல்லுநராக, தமிழகத்தைச் சார்ந்த விஞ்ஞானி டி.வி.ராமகிருஷ்ணன் கருதப்படுகிறார். Continue reading

Advertisements

இஸ்ரோ தலைவரான தமிழக விஞ்ஞானி

16 Jan

கே.சிவன்

விண்வெளி ஆய்விலும், செயற்கைக்கோள்களை ஏவுவதிலும் சாதனைகளை ஆரவாரமின்றி நிகழ்த்தி வரும் இந்திய விண்வெளி ஆராய்ச்சிக் கழகத்தின் (இஸ்ரோ) 9-வது தலைவராக, தமிழரான கே.சிவன் நியமிக்கப்பட்டிருக்கிறார். தனது 35 ஆண்டு கால இஸ்ரோ பணிக் காலத்தில் சிவன் நிகழ்த்திய அரிய சாதனைகளே, அவரை இந்தியாவின் மிகச் சிறந்த ஆராய்ச்சி நிறுவனத்தின் தலைமைப் பதவிக்கு உயர்த்தியுள்ளன.

தமிழ்நாட்டின் கன்னியாகுமரி மாவட்டத்தில் உள்ள சாரக்காவிளை என்ற கிராமத்தில் 1957-இல் பிறந்தவர் கே.சிவன். அவரது பெற்றோர்: கைலாசவடிவு நாடார்- செல்லம் தம்பதியர். 

சாரக்காவிளையில் ஆரமபப் பள்ளியிலும், வல்லங்குமாரவிளை கிராமத்திலுள்ள உயர்நிலைப் பள்ளியிலும் பயின்ற சிவன்,  நாகர்கோவில் எஸ்.டி.ஹிந்து கல்லூரியில் கல்லூரி அறிமுக வகுப்பு முடித்தார். சென்னை எம்.ஐ.டி.யில் விண்கலப் பொறியியலில் பி.இ. பட்டம் (1980) பெற்ற அவர், பெங்களூரு ஐ.ஐ.எஸ்சி.யில் விண்வெளிப் பொறியியலில் எம்.இ. பட்டம் (1982) பெற்றார்.  விவசாயம் சார்ந்த தனது குடும்பத்தில் முதல் பட்டதாரி சிவன்தான். Continue reading

கட்டமைப்பு சரக்கோட்பாட்டியல் நிபுணர்

9 Jan

ராஜேஷ் கோபகுமார்

அணுவின் உள்கட்டமைப்பை ஆராயும் துறையான குவான்டம் இயங்கியல் (Quantum Mechanics) பல பிரிவுகளை உடையது. துகள் இயற்பியலும் (Particle Physics), சரக் கோட்பாடும்  (String Theory) அவற்றில் முக்கியமானவை. இவ்விரண்டும் தனித்தனியே ஆராயப்படுபவை என்றாலும், இந்த இரண்டு கோட்பாடுகளும் சந்திக்கும் மையப்புள்ளியாக, இரண்டும் ஒத்துப்போகும் ஆய்வு விளக்கமாக கட்டமைப்பு சரக்கோட்பாடு (Topological String Theory)  கருதப்படுகிறது. இந்தத் துறையில் நிபுணத்துவம் பெற்றவர் இந்திய விஞ்ஞானி ராஜேஷ் கோபகுமார். கணிதமும் இயற்பியலும் இணைந்த கலவையான இத்துறையில், உலக அளவில் மதிக்கப்படும் ஆராய்ச்சியாளராக ராஜேஷ் விளங்குகிறார். Continue reading

உலக விஞ்ஞானிகள் மதிக்கும் துகள் இயற்பியல் நிபுணர்

2 Jan

ரோஹிணி கோட்போலே

 

 ஜெனீவாவிலுள்ள ஐரோப்பிய அணு ஆராய்ச்சி நிறுவனமான செர்ன் (CERN), அணுவியல் விஞ்ஞானிகளின் தலைமையகமாகத் திகழ்கிறது. அணுவின் மிகச் சிறு துகள்களை முடுக்கி மோதவிட்டு அதன் விளைவுகளை அறியும் சோதனைகளை இந்நிறுவனம் செய்து வருகிறது. இந்த நிறுவனத்தில் இந்தியாவின் பிரதிநிதியாகப் பங்கேற்றவர், அடிப்படைத் துகள் ஆராய்ச்சி நிபுணரான ரோஹிணி கோட்போலே. இத்துறையில் உலக அளவில் மதிக்கப்படும் விஞ்ஞானியாக அவர் திகழ்கிறார்.

துகள் இயற்பியலின் தர மாதிரிக்கு அப்பால் அணுத்துக்கள்களின் நிலை (BSM), அவற்றின் தோற்ற நிகழ்வுக் கொள்கை (Phenomenology) ஆகியவற்றில் ரோஹிணியின் கருத்துகள் அணுவியல் விஞ்ஞானிகளால் கூர்மையாகக் கவனிக்கப்படுகின்றன. உயர் ஆற்றல் ஃபோட்டான்களின் ஆட்ரான் கட்டமைப்பு, அடுத்த தலைமுறை எலக்ட்ரான் – பாஸிட்ரான் மோதுவி வடிவமைப்பு ஆகியவை தொடர்பாக குறிப்பிடத் தக்க கருத்துகளை அவர் வெளிப்படுத்தியுள்ளார். விஞ்ஞானியாக மட்டுமல்லாது, சிறந்த கல்வியாளராகவும் அவர் விளங்குகிறார். Continue reading