Tag Archives: அஞ்சலி

முன்னோடிக்கு அஞ்சலி!

24 Aug

முதுபெரும் பத்திரிகையாளரான திரு. குல்தீப் நய்யார் தனது 95வது வயதில் நேற்று (2018 ஆக. 23) தில்லியில் காலமானார். Continue reading

Advertisements

நேதாஜி

29 Mar
விவேகானந்தரின்
வீர உரைகளால்
வார்க்கப்பட்டவன்.
 .
ஆன்மீகத்தில்
ஆசை கொண்டு
அலைந்து கண்டவன்.
 .
ஆங்கிலேயரின்
அடக்குமுறையால்
அவமானப்பட்டவன்.
 .
ஐ. சி.எஸ்.சை
உதறியதாலே
அதிசயமானவன்.
 .
சும்மா வராது
சுதந்திரம் என்று
உணர்ந்து சொன்னவன்.
.
காங்கிரஸ் கட்சியின்
காலித் தனங்களால்
காயம் பட்டவன்.
 .
சிறைத் தண்டனையால்
சித்திரவதையால்
சிரமப் பட்டவன்.
.
உடலே நொந்து
உறுத்தியபோதும்
உறுதியானவன்.
 .
அன்னியர் கண்ணில்
மண்ணைத் தூவி
பறந்து போனவன்.
 .
ஹிட்லரை நேரில்
குற்றம் கூறிய
குறிஞ்சிப் பூவினன்.
 .
சுதந்திரத் தீவின்
சுறுசுறுப்போடு
கை கோர்த்தவன்.
 .
ஐ.என்.ஏ.வால்
ஆங்கிலேயரை
அலற வைத்தவன்.
 .
எண்ணிய கனவை
எய்திடும் முன்னர்
எரிந்து போனவன்.
 .
இன்றும் தேசிய
இதயங்களிலே
இனிது வாழ்பவன்.
.
-விஜயபாரதம் (07.03.1997)
.

விண்வெளியில் ஒளிரும் இந்திய வீராங்கனை

30 Jan

கல்பனா சாவ்லா

அந்தச் சிறு பெண் தனது நோட்டுப் புத்தகத்தில் விமானங்களை வரைவதில் அளவற்ற ஆர்வமுடையவளாக இருந்தாள். விதம் விதமான விமானங்களை வரைவது அவளது பொழுதுபோக்கு. வளர்ந்தபோது விமானத்தில் பறப்பதைப் பற்றிக்  கனவு கண்டாள். அவளது ஆர்வமும் கனவும், அவளை விண்ணில் மகத்தான சாதனை செய்யும் தாரகையாக பின்னாளில் உயர்த்தின. இன்று அவளது பெயரில் விண்வெளியில் ஒது புதிய சிறு கோள் விண்வெளியில் இருக்கிறது.

அவள் வேறு யாருமில்லை, 2003-இல் விண்வெளியில் வெடித்துச் சிதறிய கொலம்பியா விண்வெளி ஓடத்தில் விண்வெளி வீராங்கனையாகப் பயணித்து, உலக மக்களின் நெஞ்சங்களில் நீங்காத இடம் பெற்ற கல்பனா சாவ்லா என்ற அமெரிக்கா வாழ் இந்தியப் பெண் தான். இன்று உலகில் பல இடங்களுக்கு அவரது பெயர் சூட்டப்பட்டிருகிறது. பெண்களுக்கு சிறந்த முன்னுதாரணமாக அவரது வாழ்க்கைப் பயணம் கற்பிக்கப்படுகிறது.

Continue reading

நாட்டைக் காக்கும் குரு பரம்பரை…

29 Jan

சகோதரி நிவேதிதை

இந்தியாவுக்கான பணியில் எதிர்காலத்தில் உனக்கு மகத்தான பங்கு ஒன்று உள்ளது என்பதில் நான் உறுதியாக உள்ளேன்… இந்தியப் பெண்களிடையே வேலை செய்வதற்கு இப்போது வேண்டியது ஒரு பெண் சிங்கமே… ஆனால், இந்தியாவில் பணியாற்றும்போது நீ பல இடர்ப்பாடுகளை எதிர்கொள்ள வேண்டியிருக்கும்… இவை அனைத்தையும் மீறி இந்த வேலையை மேற்கொள்ள உனக்குத் துணிவு இருந்தால், உன்னை நூறு தடவை வரவேற்கிறேன்”.

-இது சுவாமி விவேகானந்தர் தனது அயர்லாந்து சிஷ்யை மார்கரெட் நோபிளுக்கு எழுதிய கடிதத்தின் சிறு பகுதி.

1893 சிகாகோ சர்வசமயப் பேரவை சொற்பொழிவுக்குப் பிறகு லாண்டனில் சில மாதங்கள் வேதாந்தப் பிரசாரம் செய்தபோது, அவருக்கு சிஷ்யை ஆனவர் மார்கரெட். அயர்லாந்துப் பெண்ணான அவர், சுவாமிஜியின் உபதேசங்களால் கவரப்பட்டு, இந்தியா வர விரும்பினார். தனது குடும்பம், செல்வம், நாடு அனைத்தையும் உதறிவிட்டு, விவேகானந்தரின் கீழ் பணிபுரிய அவர் சித்தமானார். அப்போது அவருக்கு இந்தியாவில் இருந்து சுவாமிஜி எழுதிய கடிதம்தான் இது.

“வேலையில் இறங்கும்முன் நன்றாக யோசித்துச் செயல்படு. வேலையில் ஈடுபட்டபின் நீ அதில் வெற்றி பெறாமல் போனாலும், வெறுப்படைந்தாலும், என்னைப் பொருத்தவரை நான் மரணம் வரை உன்னுடன் இருப்பேன். இது உறுதி…” என்றும் தனது சிஷ்யைக்கு அவர் நம்பிக்கை அளித்தார்.

இந்தக் கடிதம் மார்கரெட்டின் வாழ்க்கைப் பாதையை மாற்றியது; அவர் இந்தியா வரத் துணிந்தார். கிறிஸ்தவப் பாதிரியாரின் மகளாகப் பிறந்த அவர் அனைத்தையும் துறந்து, கப்பலேறினார். இந்தியா வந்து சுவாமிஜியால் ‘சகோதரி நிவேதிதை’ என்று நாமகரணம் சூட்டப்பட்டு, இந்நாட்டுக்காகவே வாழ்ந்து மறைந்த அவர், கொல்கத்தா மண்ணை மிதித்த நாள்: 1898, ஜனவரி 28. Continue reading