Tag Archives: அரசியல்

அரசியல்வாதி

21 May

அவன் தான் அரசியல்வாதி- அட
அவனது நெஞ்சம் முழுவதும் வஞ்சம்!

கொள்கைகள் பற்பல சொல்வான்- பின்
கொள்ளையடித்திட நோட்டம் விடுப்பான்!
பில்லி சூனியம் இன்றி – தன்
பின்னே மக்களை பொய்யினில் வெல்வான்! Continue reading

அஞ்சலி

21 May

அவர் ஒரு மகான்;
சிறந்த தீர்க்கதரிசி;
இணையில்லாப்
பெருந்தலைவர்;
அவரது எண்ணங்கள்
எக்காலத்துக்கும்
ஏற்புடையவை;
முக்காலமும் உணர்ந்த
முனிவர் அவர்.
பிறந்த நாளிலேயே 
இறந்துபோன 
பெருந்தகை அவர். Continue reading

தேர்தல் அகராதி -17

4 May

1. தேர்தல்:
தேறுதல் தருவதாய்
ஆறுதல் தருவது.
மாறுதல் வருமென
மயங்க வைப்பது.

2. தொகுதி:
ஐந்தாண்டுக்கு முன்
வந்துபோன பகுதி.
கடந்துபோக முடியாத 
கந்தல்சாலைகள் 
இங்கு மிகுதி.

3. தொண்டர்கள்: 
ஏதோ ஒரு ஏக்கத்தில் 
கோஷமிடுபவர்கள்.
எதிரணியுடன் மோதி
மண்டை உடைபவர்கள்.
தாலியை விற்று 
போஸ்டர் ஓட்டுபவர்கள்.

Continue reading

அபின் 

4 May

‘மதம் ஒரு அபின்’

”ஓஹோ?”

‘இந்தா வச்சுக்க
கம்யூனிச கஞ்சா!’

.

ஈழ ஹைகூ- 27

3 May

1. மன்னிப்பு
ஈழத்தமிழருக்கு
கிட்டாத
ஒரே வார்த்தை.

2. தம்பி
தமிழகத்திலும்
சொல்லக் கூடாத
வார்த்தை.

3. துரோகம்
தமிழில் இருக்கும்
மறக்க முடியாத
ஒரே வார்த்தை. Continue reading

முடியவே முடியாது…

1 May

 


கணக்குப் பார்த்தால்
கடமையாற்ற முடியாது.
கணக்குக் கேட்டால்
கட்சி நடத்த முடியாது. Continue reading

புரியாத கவிதை

25 Apr

புதுசாய் இருந்தால் என்ன?
பழசாய் இருந்தால் என்ன?
புரியாமல் எழுதினால் கவிஞன்
பிரசுரிப்பவன் பிரசுரகர்த்தன்
வாங்குபவன் வாசகன்.

ஏதாவதொரு ‘கானா’ பாடலில்
ரெப்ரிஜிரேட்டர் பார்வையையும்
கெண்டகி கால்களையும் எழுதி
திரையிசைக் கவிமணி ஆனால் போயிற்று
ராஜயோகம் வந்தாயிற்று. Continue reading

விதி – 2

19 Apr

போக்குவரத்து விதியல்ல
மீறிவிட்டு தண்டனை பெற.
இது மீறவே முடியாத விதி.

சில சமயம் 
மீறிவிட்டதுபோல்
தோன்றும். 
ஆனால் அதுவும் விதி.

நேற்று
இன்று
நாளை என 
எப்பொழுது 
காலம் பிறந்ததோ 
அப்பொழுதே பிறந்துவிட்டது 
விதி.

விதியை மீற 
நினைப்பது கூட 
உனது விதி.

ஆனால்-
கவலைப்படத் தேவையில்லை. 
பாதையைப் பார்த்து நட 
நடப்பது நடந்தே தீரும்.
நடக்கட்டும்.
நீ நட. 

இது உன் விதி.

எழுதிய நாள்: 26.08.1989

இரணியன் உத்தரவு

13 Apr

இனிமேல் சித்திரையில் தான் பொங்கல்.
சங்கத் தமிழ் இலக்கியங்களிலும் கூட
சித்திரைப் பொங்கல்
பாடப்பட்டிருக்கிறது.
இனி, சித்திரைப் பொங்கல்
கொண்டாடுங்கள்.
கூடவே –
உங்கள் பெற்றோர் வைத்த பெயரை 
மாற்றிக் கொள்ளுங்கள்!
முடியாவிட்டால், 
பெற்றோரையே மாற்றி விடுங்கள்!

Continue reading

பெய்யாமல் பெய்யும் மழை

9 Apr

உரைநடையைக் கூட
உருப்படியில்லாமல்
எழுதித் தவிப்பவரா நீங்கள்?
கவலை வேண்டாம்-
கவிஞராகி விடுங்கள்!

அரைக்கால் புள்ளிகளும்
ஆச்சரியக் குறிகளும்
கேள்விக் குறிகளும்
தொடர் புள்ளிகளும் கொண்டு…

இரண்டிரண்டு வரிகளாய்
பிரித்து எழுதினால்,
எதை எழுதினாலும்
கவிதையாகி விடும்-
நீங்கள் ஒரு
தலைவராக இருக்க வேண்டும்.
அவ்வளவு தான்.

Continue reading

%d bloggers like this: