Tag Archives: ஆன்மிகம்

வேண்டுவன – 2

19 May

கடவுளின் கருணை கண்டிடல் வேண்டும்
திடம் மிகு வீரம் திளைத்திடல் வேண்டும்
மதங்கள் மனிதனை உயர்த்திடல் வேண்டும்
மதங்களில் வேற்றுமை மறைந்திடல் வேண்டும்!

Continue reading

நீயும் நானே!

17 May

ஜய ஜய சங்கர! ஹர ஹர சங்கர!

ஆண்டவனின் படைப்பினிலே அனைவரும் ஒன்று!
அதையுணர்த்த அவதரித்தார் சங்கரர் அன்று!
தூண்டுவதால் சுடராகும் ஜோதியைப் போலே
தூயோனே சங்கரரை மூண்டுஎழுப்பினான்!

(ஜய)

அன்றொரு நாள் பாலகனார் விடியற்காலையில்
அவசரமாய் நீராடித் திரும்பி வந்தனர்!
அன்றலர்ந்த தாமரை போல் தேகம் ஒளிவிட
ஆதவனை வணங்கிக்கொண்டு நடந்து வந்தனர்!
என்றாலும் மனம் குழம்பி, மதி மயங்கியே
அமைதியற்று, நடை தயங்கி வந்த போதிலே,
‘சண்டாளன்’ என்றொருவன் எதிரில் வந்தனன்;
சங்கரரின் பாதம் தொட்டுப் பணிந்து நின்றனன்!

(ஆண்டவனின்)

சங்கரரோ மனம் குலைந்து வெறுப்பு கொண்டனர்!
‘சண்டாளன்’ எனக் கூசித் தள்ளி நின்றனர்!
அங்கம் உடன் ஒளி குறைந்து மாசுபட்டது
பாலகனோ பதைபதைத்து பரிதவித்தனர்!
அப்போதே சண்டாளன் காட்சி கொடுத்தான்;
அவன் வேறு யாருமில்லை- ஈசன்! ஈசன்!
அப்போதே சங்கரரும் சபதம் எடுத்தார்;
அது வேறு எதுவுமில்லை- ‘நீயும் நானே’!

(ஆண்டவனின்)

சரித்திரமாய் நம் முன்னே சங்கரர் உள்ளார்!
சற்குருவாய், ஞானத்தை வழங்கிய வல்லார்!
ஹரிஹரனை சண்மதமாய் வணங்கிடச் சொன்னார்!
சங்கமென ஒற்றுமையாய் வாழ்ந்திடச் சொன்னார்!
பிறப்பினிலே ஜாதி இல்லை! தாழ்வும் இல்லை!
சண்டாளன், மாமுனிவன் என்பதும் இல்லை!
மறப்பது ஏன், மானிடனே? மதியுள்ளோனே!
மனிதர்கள் நாம்- ஆத்மாவின் ராகம் தானே?

(ஆண்டவனின்)
(ஜய)
குறிப்பு: 
1991ஆம் ஆண்டு காஞ்சி சங்கர மடம் நடத்திய கவிதைப் போட்டியில் பங்கேற்று, ஆறுதல் பரிசாக ‘வெள்ளிக்காசு’ பெற்ற கவிதை இது.

சக்தி! 

8 May

சிங்க மீதமர்ந்து – சூலம்
.கையினில் ஏந்தி – கால
சங்கடம் நீக்கி – மாலன்
.தங்கையாய் அவதரித்து,
சங்கரன் உடலில் – பாதி
.சமமெனப் பெற்ற – ஆதி
மங்கையின் புகழில் – மீதி
.சொல்லவும் கூடுமாமோ?

எரிக்கப்படாத குப்பைகள்…

7 May
பரணில் இருக்கும் பழைய பொருட்களில்
உபயோகமற்ற ஏதாவது இருக்கும்
ஒவ்வொரு போகியிலும் எரிக்க.

Continue reading

ஈசன் அருள்க!

6 May


மேகம் பொழிவதைத் தடுத்திடல் இயலும்?
மின்னல் ஒளிர்வதைத் தடுத்திடல் இயலும்?
தேகம் அழிவதைத் தடுத்திடல் இயலும்?
தென்றல் வருடலைத் தடுத்திடல் இயலும்?
வேகம் செறிந்த கவிஞனின் குரலை
வெற்றுச் செவிகள் புதைத்திட இயலும்?
.
தாகம் இல்லா மீனைப் போல 
தளரா உழைப்பைத் தஞ்சம் கொள்க!
சோகம் கொண்டிட வேண்டாம் மனமே 
சொந்தம் கொண்டிட இறைவன் உள்ளான்!
ஏகன் அநேகன் இறைவன் அருளால் 
எல்லா நலமும் எங்கும் விளையும்!!

.

அருள் புரிவாய் கணநாதா!

5 May
கணநாதா கணநாதா! 
ஓம் கணநாதா கணநாதா!
கணநாதா கணநாதா!
ஸ்ரீ கணநாதா கணநாதா!
(கணநாதா)

Continue reading

சுழியம்

5 May

தொடக்கமும் முடிவும்

ஒன்றெனக் கொண்ட

புள்ளியும் சுழியமும்

முடிவில்லாதவை…

.

அம்பிகை துதி

4 May


காஷ்மீர வைஷ்ணவியின் கழல்களினைப் பற்றிடுவோம்!
கடலாடும் பகவதியைக் கரம் கூப்பி வணங்கிடுவோம்!
காசினிக்கு உணவளிக்கும் பூரணியைப் போற்றிடுவோம்!
காஞ்சியிலே வீற்றிருக்கும் காமாட்சி அருள் பொலிக!

Continue reading

வலிமை பெறுவோம்!

3 May

பாவிகள் யாருமே உலகினில் இல்லை
பரமனின் பிள்ளைகள், பாவிகளா நாம்?
ஆவி, பேய் என்று அஞ்சுதல் தவறு.
அன்னை சக்தியை எண்ணிடுவோம் நாம்!

Continue reading

சிக்கல் 

2 May

பல்லவி

சிக்கல் சிங்காரவேலா – எந்தன்
சிக்கலைத் தீர்க்க நீ ஓடி வாராய்!

அனுபல்லவி

பக்கல் வந்து பாராமல் – இந்தப்
பாவி மீது என்ன கோபம்?

சரணங்கள்

அக்கம்பக்கம் மனிதரில்லை!
அன்பு காட்ட யாருமில்லை!
தக்க ஒரு துணையுமில்லை!
தண்ணீருக்கும் வழியுமில்லை!

விக்க ஒரு பொருளுமில்லை!
விதியினில் நன்மை இல்லை!
வெக்க, மான, ரோஷமில்லை!
வெந்து வெந்து, புழுங்குகின்றேன்!

.

%d bloggers like this: