Tag Archives: ஆன்மிகம்

துள்ளி வருகுது வேல்!

20 Nov

 

பகைவரை வெல்லும் வீரவேலே

அஞ்ஞானம் கொல்லும் ஞானவேல்!

அறியாமையெனும் நோயிலிருந்து

நம்மை மீட்கும் தூயவேல்!

 

வல்லமை நல்கும் வெற்றிவேலே

அருளினைப் பெருக்கும் அழகுவேல்!

தற்பெருமையெனும் தாழ்விலிருந்து

நம்மை உயர்த்தும் இனியவேல்! Continue reading

அனைவருக்கும் பெருமிதத் தருணம் தீபாவளி!

14 Nov


‘தீபாவளி’ என்றால் தீபங்களின் வரிசை (தீப+ ஆவளி) எனப் பொருள் என்று அனைவருக்கும் தெரியும். இன்றும் நாட்டின் பல மாநிலங்களில் தீபாவளியன்று அகல் விளக்குகளை வரிசையாக ஏற்றி இறைவனை வழிபடுவது மரபாக உள்ளது.

அன்றாட வாழ்வின் இயந்திரத்தன்மையிலிருந்து நம்மை நாமே மீட்டெடுத்துக் கொள்ளவே பண்டிகைகள் உருவாக்கப்பட்டுள்ளன. அந்தப் பண்டிகைக்கு தத்துவார்த்தக் காரணமும், பாரம்பரிய வரலாறும் இருக்கும்போது அந்தப் பண்டிகை சிறப்புப் பெற்றுவிடுகிறது. பாரதத்தில் பண்டிகைகளின் அரசனாக தீபாவளி விளங்குவது அதனால்தான்.

தமிழகத்திலும் தீப வழிபாடு சிறந்து விளங்கியுள்ளது. பத்துப்பாட்டு நூல்களுள் ஒன்றான நெடுநல்வாடையில்,  ‘இரும்புசெய் விளக்கின் ஈர்த்திரிக் கொளீஇ- நெல்லும் மலரும் தூஉய்க் கைதொழுது…’ என்று பாடுகிறார் நக்கீரர் (நெடுநல்வாடை: 42- 43). சங்க காலத்தில் தமிழகத்தில் தீப வழிபாடு நிலவியதற்கு இப்பாடல் சான்றாகும்.

தமிழகத்தில் தீப வழிபாடு கார்த்திகை தீப நன்னாளில் கொண்டாடப்படுகிறது. ஐப்பசி மாத அமாவாசையில் வரும் தீபாவளிக்கும், கார்த்திகை மாத பெüர்ணமியில் வரும் திருக்கார்த்திகை விழாவுக்கும் 15 நாட்கள் மட்டுமே வித்தியாசம் என்பது கவனத்தில் கொள்ளத்தக்கது.

நாம் இன்று கொண்டாடும் தீபாவளிக்கு குறைந்தபட்சம் 9,300 ஆண்டு கால சரித்திரப் பின்னணி உள்ளது என்கிறார்கள் மானுடவியல் ஆய்வாளர்கள். 14 ஆண்டுகால வனவாசம் முடிந்து, ராவணவதம் முடித்து, சீதையுடன் ராமன் அயோத்தி திரும்பியபோது, அந்நாட்டு மக்கள் தங்கள் இல்லங்களின் முன்பு தீபங்களை ஏற்றி அவரை வரவேற்றதாக ராமாயணத்தில் பதிவாகி இருக்கிறது. Continue reading

அவள் பராசக்தி!

24 Oct

அன்னையின் அணைப்பில்

முருகன் ஆகிறேன்.

அவள் பார்வதி.

 

என்னை வழிநடத்துகையில்

திருநாவுக்கரசர் ஆகிறேன்.

அவள் திலகவதி. Continue reading

பொன்நெல்லி மழை பொழிக!

23 Oct

மாலவன் நெஞ்சினினிலே-பூ
மாலையாய்த் தவழ்ந்திருப்பாள்- நல்
நீலமா விழியருள- பொன்
நெல்லி மழை பொழியும்!
.
ராகவன் வில்லினுக்கே-தன்
வாழ்வினை அளித்தவளாம் -வை
தேகியின் விழியருள- பொன்
நெல்லி மழை பொழியும்! Continue reading

திருமகள் துதி

21 Oct

அகிலமும் அவளே! அன்னமும் அவளே!
அலைமகளாகிய ஆதியும் அவளே!
சகலமும் அவளே! சர்வமும் அவளே!
சந்தானம் தரும் சக்தியும் அவளே!
வீரமும் அவளே! வித்தையும் அவளே!
வீடென விழையும் விருப்பமும் அவளே!
சாரமும் அவளே! சாத்திரம் அவளே!
சாதன வரமாய்ப் பொழிபவள் அவளே! Continue reading

ஆம், அதுவே ஆகுக!

15 Oct


விண்ணைச் சாடும் சிகரங்களுடன்
அகன்று விரிந்த மலைத் தொடர்
எப்படி உருவானது?
மலையினில் தோன்றி சமுத்திரம் நோக்கி
வளைந்து நெளிந்த பாதையை
நதி எவ்வாறு தீர்மானித்தது?
பாலைப் பெருவெளியின்
மடிப்புகள் உருவானது யாரால்?
கரை காணாப் பெருங்கடலினிடையே
சிறு தீவுக்கூட்டம் அமைந்தது எங்ஙனம்?

. Continue reading

%d bloggers like this: