Tag Archives: இயற்கை

மொட்டை மாடியில்…

8 Jul

ஆடிப் பௌர்ணமியின் பிரகாசம்
தென்னை ஓலையில் மின்னுகிறது.

தூறலுடன் கூடிய குளிர்க்காற்று
மேனியை வருடிப் போகிறது.

பக்கத்து வீட்டில் மலர்ந்த மல்லிகைக் கொடி
இங்கும் மணம் பரப்புகிறது.

நாவில் இன்னும் தேங்கி இருக்கிறது
சுக்கு மல்லிக் கஷாயம்.

அறை நண்பனின் அலைபேசியில்
ஏசுதாஸ் பாடிக் கொண்டிருக்கிறார்.

என்ன ஒரு தருணம்!
எக்காளமிடுகிறது மனது.

என்ன செய்ய,
இத்தனையையும் பதிவு செய்யும்
கருவி இல்லையே –
இந்தக் கவிதையைத் தவிர.

 

 

 

 

 

இறக்கைகளின் வலி

5 Jul

வெட்டப்பட்ட மரக்கிளையின்
பச்சைவாசம் முகர்ந்தபடி
தத்திச் செல்கிறது அணில்.

சிதறிக் கிடக்கிறது
உச்சாணிக்கொம்பில்
கட்டியிருந்த
குருவிக்கூடு. Continue reading

காற்றின் ரகசியம்

26 Jun

காற்றுக்கென்ன வேலி?
திரைப்பாடல்
காற்றில் மித்நது வந்தது.
.
காற்று நிரம்பிய பலூன்
காற்றில் சென்றது. Continue reading

ஈனப் பிறவிகளுடன் இணை வைக்காதீர்!

5 Jun
மனிதத்தன்மை இல்லாதவனை
இனியேனும்
மிருகமென்று சொல்லாதீர்கள்.
அன்னாசிப் பழத்துக்குள்
பட்டாசு வைத்து
கர்ப்பிணி யானைக்கு ஊட்ட
மிருகங்களுக்குத் தெரியாது.
.
மதியைக் கெடுக்கும் மதவெறியால்
ஐந்தறிவு ஜீவனைச் சீரழிக்க
மனிதனால் மட்டுமே இயலும்.
யானை வடிவில் சிலர்
இறைவனை வழிபடுவதற்கு
அந்த யானை என்செய்யும்?
ஈனப்பிறவியான மனிதனை
வசைபாடுவதாக நினைத்து
மிருகங்களை கேவலப் படுத்தாதீர்!

. Continue reading

நிகழ்

2 Jun

நிழலில் அமர்ந்து
அடிமரம் அறுப்பவன்
தலைமேல் சூரியன்.

 

(2010)

.

இறைமை – 2

25 May

நெடிதுயர்ந்த தென்னையின்
மிளிரும் கீற்றசைவில்
இறைமையின் தாண்டவம்.
அதனருகில் பாயென கிடக்கும்
பைம்பொழிலின் நுனிமென் நடனத்தில்
இறைமையின் குதூகலம்.
வரப்பில் நீர் பாய்ச்சும் 
வெற்றுடம்பு முண்டாசுக் காரரின்
வியர்வையில் வெளிப்படும் 
இறைமையின் உழைப்பு.

.

%d bloggers like this: