Tag Archives: சமூகம்

சமூகப் பொறுப்புணர்வும் அலட்சிய மனோபாவமும்…

2 Dec

அண்மையில் சென்னையிலும் கோவையிலும் நிகழ்ந்த வித்தியாசமான இருவேறு சாலை விபத்துகள், நமது மனசாட்சியை உலுக்குபவையாக உள்ளன. சமூகப் பொறுப்புணர்வு உள்ள மனிதர்களாக நாம் இருந்திருந்தால் அந்த இரு விபத்துகளும் நடந்திருக்காது என்பதுதான் வேதனைக்குரிய விஷயம். Continue reading

Advertisements

பத்மாவதிக்கு எதிர்ப்பு: குற்றவாளிகள் யார்?

1 Dec

-ஏ.சூரியபிரகாஷ்

கும்பல் மனோபாவத்துக்கு எந்த தர்க்க நியாயமும் கிடையாது என்பது, சஞ்சய் லீலா பன்சாலியின் பத்மாவதி திரைப்படம் மூலமாகத் தெரிய வந்திருக்கிறது. வட மா நிலங்களில் இத்திரைப்படத்தை தடை செய்யக் கோரிப் போராடும் லட்சக் கணக்கான ராஜபுத்திர சமுதாயத்தினர் உள்ளிட்ட யாருமே படத்தை இதுவரை பார்க்கவில்லை என்று தெரிவித்துள்ளனர். இவர்களில் சிலர் படக்குழுவினருக்கு மிரட்டலும் விடுத்துள்ளனர்.

பத்மாவதி படத்தை எதிர்ப்பவர்களுடைய அச்சம் என்னவென்றால், ஆக்கிமிப்பாளனான அலாவுதீன் கில்ஜியுடன் சித்தூர் ராணி பத்மினியை இணை சேர்த்து காதல் காட்சிகள் படத்தில் இருக்குமோ என்பதுதான். அதை ராஜபுத்திரர்கள் மட்டுமல்ல, சாமானிய இந்தியக் குடிமகன் யாராலும் அற்றுக்கொள்ளவோ, சகித்துக் கொள்ளவோ முடியாது.

ஆயினும் படத்தின் முன்னோட்டக் காட்சியைப் பார்த்த பத்திரிகையாளர்கள் சிலர், மக்கள் அஞ்சுவதுபோல பத்மாவதி படத்தில் ஆட்சேபனைக்குரிய காட்சிகள் எதுவும் இல்லை என்று கூறி, நிலைமையை சுமுகமாக்க முயன்றனர். படத்தின் இரு கதாபாத்திரங்களான கில்ஜியும் பத்மினியும் ஒரு காட்சியில்கூட சேர்ந்து வரவில்லை என்றும் அவர்கள் கூறினர். இருந்தபோதும் திரைப்படத்துக்கு எதிரான போராட்டங்கள் தொடருகின்றன. இந்தச் சர்ச்சையை இமாசல், குஜராத் மாநிலத் தேர்தல்களில் பயன்படுத்தவும் சிலர் விழைகின்றனர்.

இதற்கு தீர்வு விரைவில் கிடைப்பதாகத் தெரியவில்லை. மாறாக, பிற்போக்காளர்களின் மிரட்டல்களே அதிகரிக்கின்றன. இதற்கு, பெரும்பான்மை ஹிந்து மக்களிடையே அவநம்பிக்கையை விதைக்கும் வகையில் தயாரிக்கப்பட்ட இடைக்கால இந்தியாவின் வரலாறு காரணமாக இருக்கக் கூடும். குறிப்பாக, நேருவிய, மார்க்சிய வரலாற்று ஆய்வாளர்களாலும் போலி மதச்சார்பின்மைவாதிகளாலும் எழுதப்பட்ட இந்திய வரலாறு மக்களிடையே அதிருப்தியைத்தான் விளைவித்திருக்கிறது. Continue reading

சமூக ஊடகங்கள்: வரமா? சாபமா?

20 Nov

-மனோஜ் சாப்ரா

ஒரு பயங்கர கதையுடன் இந்தக் கட்டுரையைத் துவங்கலாம் என்று நினைக்கிறேன். வயதான தம்பதிக்கு குரங்குப் பாதம் ஒன்று கிடைக்கிறது. அதை வைத்திருப்பவர்கள் நினைத்தது நடக்கும் என்பது ஒரு வரம்; அதேசமயம் அந்த நன்மையைப் பெற ஒரு தீமையையும் கூடப் பெற்றாக வேண்டும் என்பது தெரிய வராத சாபம். அந்தத் தம்பதிக்கு பணம் தேவைப்படுகிறது. குரங்குப் பாதத்திடம் அதை வேண்டுகிறார்கள். பணமும் கிடைக்கிறது. ஆனால், அதற்கு முன் அவர்களது மகன் தொழிற்சாலை விபத்தில் உயிரிழக்கிறான். அதற்கான இழப்பீடாகவே முதிய தம்பதிக்கு பணம் கிடைக்கிறது.

இந்தக் கதையை எனது பள்ளிப்பருவத்தில் படித்தபோது முதுகுத்தண்டு சில்லிட்டது. அண்மைக்காலமாக சமூக ஊடகங்களில் வலம் வரும் நீலத் திமிங்கில விளையாட்டால் இளைஞர்கள் தற்கொலை செய்துகொள்வது பற்றி அறிந்தபோது அதேபோன்ற திகைப்பை அடைந்தேன்.

இதேபோல, சமூக ஊடகங்களில் பரப்பப்படும் தீவிரவாதக் கருத்துகளால், ஜிஹாதிகள் என்று தங்களை அறிவித்துக்கொள்பவர்களால் உலகம் முழுவதிலும் தாக்குதல்கள் அதிகரித்துள்ளன. முகநூல் (பேஸ்புக்), கட்செவி அஞ்சல் (வாட்ஸ் அப்), சுட்டுரை (டிவிட்டர்) போன்ற சமூக ஊடகங்கள் பெரும்பாலும் வெறுப்புப் பிரசாரம், பொய்யான செய்திகள், மோசடியாகத் திருத்தப்பட்ட புகைப்படங்களைப் பரப்புபவையாகவே உள்ளன. அவற்றால் பரவும் வதந்திகளால் வன்முறைகள் பெருகுகின்றன. கேட்டதைக் கொடுக்கும் குரங்குப்பாதம் போலவே இணையதளமும் சமூக ஊடகங்களும் மாறிவிட்டனவா? இது வரமா, சாபமா? Continue reading

லக்‌ஷ்மி: நல்லதோர் வீணை செய்தே…

10 Nov

‘லக்‌ஷ்மி’ குறும்படம் குறித்த எனது விமர்சனம் இது…

‘விருது வாங்கிய குறும்படம் லக்‌ஷ்மியைப் பார்த்தீங்களா?’ என்று அலைபேசியில் கேட்டார் பத்திரிகையாளரான நண்பர். எல்லை மீறுவதே பெண்ணியம் என்று கூறும் குறும்பட இயக்குநர், அதற்கு மகாகவி பாரதியின் வரிகளை ஆதரவாகப் பயன்படுத்தியிருப்பதாகவும் அவர் சொன்னார்.

ஆனால், என்னால் அதை உடனே பார்க்க முடியவில்லை. வேறு அத்தியாவசியப் பணிகளில் நான் மூழ்கிவிட்டேன். இதனிடையே குடும்ப நண்பரின் மகளான கல்லூரி மாணவி ஒருவரும் இதுகுறித்து என்னிடம் வருத்தம் தெரிவித்தார். பெண்ணியம் என்ற பெயரில் ஆணாதிக்கத்தை வெளிப்படுத்தியிருப்பதாகவும், பெண்களை எளிதில் மயக்கிவிட முடியும் என்பதுபோல படம் இருப்பதாகவும் அவர் குறை கூறினார்.

இந்நிலையில், முகநூலில் அதை சிலர் ஆதரித்தும், கண்டித்தும் எழுதியிருப்பதைப் பார்த்தபோது, அதைப் பார்ப்பதன் அவசியத்தை உணர்ந்தேன். இப்போதுதான் யு-டியூபில் அதைப் பார்த்தேன். எனது பத்திரிகை நண்பரும், நண்பரின் மகளும் கூறிய கருத்துகள் உண்மைதான். இதற்கு ஏன் விருது கொடுத்தார்கள்? Continue reading