Tag Archives: தமிழ்

புரியாத கவிதை

25 Apr

புதுசாய் இருந்தால் என்ன?
பழசாய் இருந்தால் என்ன?
புரியாமல் எழுதினால் கவிஞன்
பிரசுரிப்பவன் பிரசுரகர்த்தன்
வாங்குபவன் வாசகன்.

ஏதாவதொரு ‘கானா’ பாடலில்
ரெப்ரிஜிரேட்டர் பார்வையையும்
கெண்டகி கால்களையும் எழுதி
திரையிசைக் கவிமணி ஆனால் போயிற்று
ராஜயோகம் வந்தாயிற்று. Continue reading

பெய்யாமல் பெய்யும் மழை

9 Apr

உரைநடையைக் கூட
உருப்படியில்லாமல்
எழுதித் தவிப்பவரா நீங்கள்?
கவலை வேண்டாம்-
கவிஞராகி விடுங்கள்!

அரைக்கால் புள்ளிகளும்
ஆச்சரியக் குறிகளும்
கேள்விக் குறிகளும்
தொடர் புள்ளிகளும் கொண்டு…

இரண்டிரண்டு வரிகளாய்
பிரித்து எழுதினால்,
எதை எழுதினாலும்
கவிதையாகி விடும்-
நீங்கள் ஒரு
தலைவராக இருக்க வேண்டும்.
அவ்வளவு தான்.

Continue reading

அற்ப மானுடன் அல்லன்!

31 Mar

அற்ப மானுடன் அல்லன் – நான்
அற்புதங்களை ஆற்ற வல்லவன்!
அற்ப மானுடன் அல்லன்!
தற்பெருமை என்றுஎண்ணிடல் வேண்டா!
நற்பதங்களைச் சாற்ற வந்தவன்
அற்ப மானுடன் அல்லன்! Continue reading

தெய்வீகமே தமிழகம்!

27 Mar

சிவனே தலைமை வகித்த
சிந்தனைக்களம்.

ஆதிபகவன் முதலென்ற
வள்ளுவரின் புலம்.

ஒளவைக்கு கனி தந்த
குமரனின் குன்றம்.

Continue reading

அந்த 20 நாட்கள்…

4 Mar
.
கவிதை தான் வாழ்க்கை என்று முழங்கியவன்
ஒரு இருபது நாட்களுக்கு காணாமல் போனால்,
வாழ்க்கை காணாமல் போயிருந்ததா
என்று கேட்கக் கூடாது.
.
ஒருவேளை அவன் உண்மையிலேயே
வாழ்க்கையை வாழச் சென்றிருக்கலாம்.
.
அப்படியானால் வெற்று முழக்கம் எதற்கு
என்று கேட்டு சங்கடப்படுத்தக் கூடாது.
ஒருவேளை அவன் உண்மையிலேயே
கவிதையும் எழுதச் சென்றிருக்கலாம்.
.
எதற்கு இந்த மழுப்பல் என்று
ஏளனம் செய்யாதீர்.
மறுபடியும் ஒரு இருபது நாட்களுக்கு
காணாமல் போய்விடவும் வாய்ப்புண்டு.
.
அப்புறம் தமிழை யார் காப்பதாம்?
எழுதிய நாள்: 26.11.2010
.

அறிஞரை அறிதல்

3 Mar

புரிதல், புரிந்தது போல் நடித்தல், பிற்பாடு
தெரிதல், தெரியாததையும் தெரிந்தது போல்
திரிதல், திரிந்தபடி அறிதல், அறியாத தெனினும்
சொரிதல் அறிஞர் தொழில்.

அடுத்த தலைமுறைக்கு தாய்மொழியைச் சேர்ப்போம்!

21 Feb

உலகில் மனித இனம் தோன்றிய காலத்திலேயே தோன்றியது மொழி. மனிதனின் முதல் அறிவுப்பூர்வமான செயல்பாடே மொழிதான். அதன்மூலமாகவே அவனது தகவல் தொடர்புகள் மேம்பட்டு நாகரிக வாழ்க்கையை அவனால் அமைக்க முடிந்தது.

ஒருவன் பிறக்கும்போது அவனது பெற்றோரிடமிருந்து கிடைக்கும் பூர்வீகச் சொத்து அவனது தாய்மொழி. பேசுதல், புரிந்துகொள்ளுதல், எழுதுதல் ஆகியவை மொழியின் செயல்பாடுகள். எந்த ஒரு மனிதனும் அவனது தாய்மொழியில் மட்டுமே இந்த மூன்று செயல்பாடுகளிலும் திறமை வாய்ந்தவனாக இருக்க முடியும். அதைக் கொண்டே அவனது வளர்ச்சி நிகழ்கிறது.

இந்நிலையில் மக்களிடையே பயன்பாடு குறைவதாலும், புலம் பெயர்தல், பிற மொழிகளின் ஆதிக்கம் உள்ளிட்ட பல்வேறு காரணங்களாலும் பல மொழிகள் வழக்கிலிருந்து அருகி வருகின்றன. உதாரணமாக, ஈராயிரம் ஆண்டுகளுக்கு முன்னர் ஏசு கிறிஸ்து பேசியதாகக் கூறப்படும் அராமிக் மொழி தற்போது வழக்கொழிந்துவிட்டது. மூவாயிரம் ஆண்டு தொன்மை கொண்ட பாரதத்தின் அறிவுசார் மொழியான சம்ஸ்கிருதத்தைப் பேசுவோரின் எண்ணிக்கை இப்போது சில லட்சங்கள் மட்டுமே.

ஆட்சி அதிகாரத்தில் உள்ளவர்களின் தாக்கத்தால் புதிய மொழிகள் ஏற்றம் பெறுவதும், சமூக மாறுபாடுகளால் பழைய மொழிகள் மாயமாவதும் இயல்பாகவே இருந்து வருகிறது. ஆயினும் மக்களின் அறிவுச் சொத்தான மொழிகளைப் பேண வேண்டியதன் அவசியம் தொடர்ந்து வலியுறுத்தப்பட்டு வருகிறது. இதற்காகவே 2000 ஆம் ஆண்டிலிருந்து உலக தாய்மொழி தினம் அனுசரிக்கப்பட்டு வருகிறது. Continue reading

பற்றும் வெறியும்

21 Feb
.
தமிழெந்தன் உயிரென்று சொல்வேன் -இந்தத்
தரணியெல்லாம் சென்று சொல்வேன்!
அமிழ்தெந்தன் மொழியென்று சொல்வேன் – என்
அருங்கவிகளால் வென்று சொல்வேன்!
.
இனிதெந்தன் மொழியென்று சொல்வேன் – நல்ல
இலக்கியப் படைகொண்டு சொல்வேன்!
கனியெந்தன் மொழியென்று சொல்வேன் – உவர்
காய்களை நாடுதல் தவறென்று சொல்வேன்!

. Continue reading

வாமனனின் மூவடியே நமது அளவுகோல்!

11 Sep
வாமனன் உலகளந்ததைக் குறிக்கும் ஆதாரங்கள் பழந்தமிழ் இலக்கியங்களில் ஏராளமாக உள்ளன. அவற்றில் சிலவற்றை ஓண நன்னாளாம் இன்று அறிவோம்! தெய்வத் தமிழில் செறிவோம்!
.

Continue reading

வெறுமை

27 Dec

முன்பு போல இப்பொழுதெல்லாம் கவிதை எழுத முடியவில்லை.
ஏன்? என்ன காரணம்? எனது சோம்பலா, வேலைப்பளுவா, நேரமின்மையா, பொறுப்பு அதிகரித்ததாலா?
ஏன்? எது காரணம்?

நினைத்தவுடன் கவிதை எழுதும் வல்லமை எங்கு போனது? ஆசுகவித் திறன் அனைவருக்கும் கிட்டுவதில்லை. அதை வீணாக்கலாமா?
முன்பு கவிதைகள் என் நாட்குறிப்புகளாய் இருந்தது பழைய கனவு தானா? இனி கவிதை ஜனிக்காதா? மனம் தத்தளிக்கிறது; மறுகுகிறது; மயங்குகிறது. என்ன செய்யப் போகிறேன்? நிகழ்காலம் கேள்வி கேட்கிறது.

உருண்டு உருண்டு ஓடும் பந்து எங்காவது நின்றுதான் ஆக வேண்டும். ஆனால் கவிதையும் பந்தும் ஒன்றாகி விடுமா? உருண்டை உலகில் கவிதையே நிலையான சொத்து. ஆனால், மனம் காலியாக, வெறுமையாக, கவிதையற்று இருப்பது ஏன்?

வாழ்க்கை பொருளோடு விளங்க வேண்டுமானால், அதற்கு வரையறை இருந்தாக வேண்டும். வாழ்க்கை வாழப்பட்டதற்கு அடையாளம் ஏதாவது இருந்தாக வேண்டும். என்னைப் பொருத்தவரையில், இதுநாள் வரையில் அடையாளம் கவிதை தான். வரையறை தான் கிட்டாமல் இருந்தது. இப்பொழுது வரையறை கிட்டுகையில் அடையாளம் தடுமாறுகிறதே? இரண்டும் இணைந்த இணைகோடாய் வாழ்வு அமைய முடியாதா?

குளத்தில் நீர் இருந்தால் தான் அதன் சுற்றுப்புறம் பசுமையாய்ப் பரிமளிக்கும். மனதில் நிம்மதி குடி கொண்டிருக்கையில் கவிதைகள் பசுமையாய் வெளிவரும். ‘உள்ளத்தில் உற்சாகம் பொங்கி வழியும் சமயத்தில் எழுத எழுத எழுத்து வளரும்’ – இது கவி கண்ணதாசன் சொன்னது. என் மனதில் நிம்மதி இல்லையா? உற்சாகம் குன்றிவிட்டதா? கவிதை வரம் அளித்த கலைவாணி அது வரளவிட்டு விடுவாளா?

எனது இலட்சியங்கள், வாழ்க்கைமுறை, சுற்றுப்புறம் யாவும் பதிவுகளான முந்தைய கவிதைகள் சரித்திரம் அல்லவா? இனி அவை சங்கமிக்காதா?

வெறுமையை மனம் வெறுக்கிறது. உள்ள வறுமையை எண்ணி வாடுகிறது. இனியாவது இன்கவிதை பிரசவிக்குமா? இதயம் ஏங்குகிறது.

கவிதாவாணி, இது கவிஞனின் வாழ்வுப் பிரச்னை.
உன் கையில் கொடுத்து விட்டேன்.
இனி இது உன் பிரச்னை.

.

எழுதிய நாள்: 01.07.1995

***

குறிப்பு:

23 ஆண்டுகளுக்குப் பிறகு மீண்டும் ஒரு வெறுமை.

முன்பு போல இப்பொழுதெல்லாம் கவிதை எழுத முடியவில்லை.
ஏன்? என்ன காரணம்? எனது சோம்பலா, வேலைப்பளுவா, நேரமின்மையா, பொறுப்பு அதிகரித்ததாலா?
ஏன்? எது காரணம்?…

…………………………….

 

%d bloggers like this: