Tag Archives: தி நியூ இந்தியன் எக்ஸ்பிரஸ்

ஐஎஸ் அமைப்பின் பயங்கரவாத முகவர் தவ்ஹீத் ஜமாத்!

10 May

-எஸ்.குருமூர்த்தி

தமிழ்நாடு தவ்ஹீத் ஜமாத்தும், இலங்கையில் உள்ள தேசிய தவ்ஹீத் ஜமாத்தும் சகோதர அமைப்புகள் மட்டுமல்ல, உலகளாவிய இஸ்லாமிய அரசு என்ற கனவுடன் இயங்கும் ஐஎஸ்எஸ் அமைப்பின் முகவர்களும் கூட.

தமிழ்நாடு தவ்ஹீத் ஜமாத் சித்தாந்த ரீதியாக இலங்கை தவ்ஹீத் ஜமாத்துக்கு மூத்த அமைப்பாகவும் வழிகாட்டும் அமைப்பாகவும் செயல்பட்டுள்ளது. அதுமட்டுமல்ல, பயங்கரவாதத்தை விதைக்கும் ஐஎஸ் ஐஎஸ் அமைப்பின் சித்தாந்தத்துக்கு விசுவாசமானவையாகவும் இவை உள்ளன.

இலங்கையில் தேசிய தவ்ஹீத் ஜமாத் தீட்டிய சதித் திட்டத்தை இந்திய உளவு அமைப்புகள் முன்கூட்டியே கணித்து எச்சரித்தன. அதேசமயம் இந்தியாவின் தேசிய புலனாய்வு முகமை (என்ஐஏ) உள்நாட்டில் செயல்படும் பயங்கரவாதக் குழுக்கள் மீது மிகத் தாமதமாகவே நடவடிக்கை எடுத்தது. ஆயினும் இலங்கையில் நடைபெறவுள்ள பயங்கரத்தை முன்கூட்டியே எச்சரித்ததில் என்ஐஏவின் பங்கு அளப்பரியது.

இந்த சதித்திட்டத்தை என்ஐஏ எவ்வாறு கண்டறிந்தது?

Continue reading

இலங்கை படுகொலைக்கு தமிழகம் உடந்தையா?

10 May

-எஸ்.குருமூர்த்தி

இலங்கையில் ஏப்ரல் 21 ஆம் தேதி நடத்தப்பட்ட பயங்கரவாத தாக்குதலில் 250}க்கும் மேற்பட்டோர் கொல்லப்ட்டனர்; 500}க்கும் மேற்பட்டோர் படுகாயமடைந்தனர். இந்த கோழைத்தனமான தாக்குதலை நடத்த உதவியதற்காக பெருமிதம் கொள்வதாக ஐஎஸ்ஐஎஸ் (இராக் மற்றும் சிரியாவின் இஸ்லாமிய அரசு) அமைப்பு பிரகடனம் செய்தது. அதாவது ஐஎஸ்ஐஎஸ் அமைப்பு அந்தத் தாக்குதலை ஊக்குவித்தவர் மட்டுமே; அந்தத் தாக்குதலை நடத்தியவர் அல்ல. அப்படியானால் அந்த பயங்கரவாதத் தாக்குதலை நடத்தியவர் யார்?

இந்தக் கேள்விக்கான பதில், இந்தியா, இலங்கை நாடுகளில் இருப்போர் அறியாததல்ல. இந்தப் படுகொலை நிகழ்வதற்கு முன்னதாகவே குற்றவாளிகள் குறித்து எச்சரித்த நாடு இந்தியா. இலங்கை அரசும் இந்தக் கொலை பாதகர்களை அறிந்தே இருந்தது. ஆனால் இந்தியாவின் எச்சரிக்கையை குப்பைக்கூடையில் போட்டது இலங்கை. அதேபோல இலங்கையில் குண்டுவெடிக்க உடந்தையாக இருந்தவர்கள் மீது நடவடிக்கை எடுக்காமல் இந்தியாவிலும் அலட்சியம் காட்டப்படுகிறது. உளவுத் தகவலைப் பெற்ற நாடும், அளித்த நாடும் இந்த விஷயத்தில் மந்தமாகவே நடந்துகொள்கின்றன.

இலங்கையில் செயல்படும் தேசிய தவ்ஹீத் ஜமாத் (என்டிஜே) என்ற அமைப்பின் தொண்டர்கள் மனித வெடிகுண்டுகளாக மாறவுள்ளதாக சிறப்பு உளவுத் தகவலை இந்திய அரசாங்கம் அளித்தது. இதுகுறித்து அசோசியேட் பிரஸ் செய்தி நிறுவனம் செய்தி வெளியிட்டுள்ளது. ஈஸ்டர் பண்டிகைக் கொண்டாட்டத்தின்போது இலங்கையில் நடந்த படுகொலைகளின் பின்னணியில் இருந்த சதியை இந்திய உளவுத் துறை கண்டறிந்ததை அசோசியேட் பிரஸ் சிலாகித்திருந்தது. தில்லியில் உள்ள ஐசிஎம் அமைப்பின் செயல் இயக்குநர் அஜய் சாஹ்னி “சதிகாரர்களின் உரையாடலை இடைமறித்து இந்திய உளவுத் துறை பெற்ற தகவல் மிகவும் குறிப்பிடத்தக்கது. அவர்கள் சதிக் குழுவை மட்டுமல்ல. அவர்களுடைய இலக்கு, தாக்கும் நேரம், சதிகாரர்கள் மறைந்திருந்த இடம் ஆகியவற்றையும் கண்டறிந்து, இலங்கை அரசை எச்சரித்தார்கள்’ என்கிறார். Continue reading

குழம்பிய குட்டையும் அரசியல் நிர்பந்தங்களும்

26 Mar

-அருண் நேரு

(2012-இல் வெளியான மற்றொரு பழைய கட்டுரை… காலத்தின் பொருத்தப்பாட்டால் மறுபதிவு செய்யப்படுகிறது. அப்போதும் மக்களை ஊடக மேதாவிகள் புரிந்துகொள்ளவில்லை என்பதற்கான சான்றும் கூட).

கூட்டணி நாடகம் மீண்டும் அரங்கேறிவிட்டது. இதில் தவறொன்றும் கூற முடியாது. திரிணமூல் காங்கிரஸ் கட்சிக்கும் சமாஜ்வாதிக்கும் அதிகாரப் பகிர்வு உள்ளிட்ட விஷயங்களில் கருத்து வேறுபாடு இருப்பது கூட்டணியில் சகஜம்தான். காங்கிரஸ் கட்சிக்குச் சொந்த அபிலாஷைகள் இருக்கத்தான் செய்யும். அதை நிறைவேற்றவே அக்கட்சி போராடும். அதுபோல திரிணமூல் காங்கிரஸுக்கும் சமாஜ்வாதிக்கும் சொந்தத் திட்டங்கள் இருக்கும். இப்போது ஐ.மு.கூட்டணி- 2 ஆட்சியிலும் காங்கிரஸிலும் நிலவும் குழப்பங்களுக்குத் தீர்வு காணும் பொறுப்பு சோனியா காந்திக்குத்தான் இருக்கிறது.

குடியரசுத் தலைவர் தேர்தலில் ஏ.பி.ஜே. அப்துல் கலாம் பெயர் அடிபடுவதில் அதிசயமில்லை. எண்ணிக்கையை அடிப்படையாகக் கொண்ட யதார்த்தமான அரசியல் களத்தில் இது இப்போது பேசும் பொருளாகி இருக்கிறது. எண்ணிக்கையை எட்ட பிராந்தியக் கட்சிகளின் பங்களிப்பு முக்கியத்துவம் பெற்றிருக்கிறது. பிராந்தியக் கட்சிகளிடையே கருத்து வேறுபாடு ஏற்படுத்தினால் மட்டுமே காங்கிரஸ் கட்சிக்கு இப்பிரச்னையிலிருந்து மீள முடியும். ஆனால் இப்போதைக்கு காங்கிரஸ் கட்சிக்கு இது அறிவுப்பூர்வமான செயலாக இருக்காது. Continue reading

பிராந்தியக் கட்சிகளின் கூட்டணிக்கு அச்சாரம்?

21 Mar

-அருண் நேரு

(2012-இல் வெளியான பழைய கட்டுரை… காலத்தின் பொருத்தப்பாட்டால் மறுபதிவு செய்யப்படுகிறது. அப்போதும் மக்களை ஊடக அறிஞர்கள் புரிந்துகொள்ளவில்லை என்பதற்கான சான்றும் கூட.)

அருண் நேரு

கூட்டணிக் குழப்பங்கள், கொள்கைத் தடுமாற்றங்கள், கிரேக்கப் பொருளாதார நெருக்கடி, பிரிட்டனில் நிலவும் தொழில் மந்தநிலை போன்ற எதிர்மறையான நிகழ்வுகளிடையே நமது பொருளாதாரமும் வீழ்ச்சி அடைந்து வருவதாகத் தகவல்கள் வருகின்றன.

இந்த மோசமான நிலையிலும்கூட, நாட்டின் குடியரசுத் தலைவர் வேட்பாளராக நம்மால் பிரணாப் முகர்ஜியைத் தேர்வு செய்ய முடிந்திருக்கிறது; விரைவில் அவர் தேர்ந்தெடுக்கப்படவும் இருக்கிறார்.

ஓர் அதிசயமான உண்மை என்னவென்றால், பிரணாப் முகர்ஜி காங்கிரஸ் கட்சியின் முதல் தேர்வாக இருக்கவில்லை என்பதுதான். எந்த ஒருவரது தகுதியையும் வாய்ப்பையும் வழக்கமான சதிக் கோட்பாடுகள் குலைத்துவிடும். இந்நிலையில், ஐக்கிய முற்போக்குக் கூட்டணி அரசின் இரண்டாவது ஆட்சிக் காலத்தில் பிரணாப் முகர்ஜி அனைவரிடமும் நம்பிக்கை ஏற்படுத்துபவராகவும், எதிர்க்கட்சிகளிடமும் நடுநிலையாகச் செயல்படுபவராகவும் ஒரு நிலையான சக்தியாக விளங்கி வந்திருக்கிறார்.

சமாஜ்வாதி கட்சித் தலைவர் முலாயம் சிங் ஆரம்பத்தில் குடியரசுத் தலைவர் தேர்தல் களத்தைப் பற்றி சரிவரப் புரிந்துகொள்ளாமல் தான் இருந்தார். எனினும் ஐக்கிய ஜனதாதளம், அகாலிதளம், சிவசேனா போன்ற தேசிய ஜனநாயகக் கூட்டணிக் கட்சிகளின் பா.ஜ.க.வுக்கு எதிரான மனநிலையை சட்டென்று புரிந்துகொண்டார்.

சோனியா காந்தி சரியான நேரத்தில் மிகச் சரியான முடிவெடுத்திருப்பதாகவே நான் நினைக்கிறேன். இப்போது பிரணாப் முகர்ஜியை அனைவரும் சேர்ந்து ஒருமனதாகத் தேர்ந்தெடுத்தால் நல்ல முன்னுதாரணமாக இருக்கும். அடுத்து குடியரசு துணைத் தலைவர் தேர்தலில் அனைவரும் கவனம் செலுத்தலாம். Continue reading

தொடரும் தேசபக்திக் குழப்பம்!

28 Feb

-எஸ்.குருமூர்த்தி


நாடு, தேசம், தேசியம், தேசபக்தி ஆகியவை தனித்தனி கருத்தாக்கங்கள் அல்ல. இவை ஒன்றுடன் ஒன்று பின்னிப் பிணைந்தவை. இவற்றை தனியே பிரித்துப் பார்க்க முடியாது. ஓர் எல்லைக்கு உள்பட்ட நிலத்தின் மீதான அன்பு மட்டுமே தேசபக்தி அல்ல. அது நிலத்தின் எல்லை, அங்கு வாழும் மக்கள், அவர்களின் வரலாறு, வம்சாவளி ஆகியவற்றால் உருவாவதாகும்.

தேசத்துக்கு எல்லை மிகவும் அவசியம்; அதேசமயம், எல்லை மட்டுமே போதுமானதல்ல. மேலும் அனைத்து நாடுகளின் தேசியம் ஒன்றுபோல இருக்க வேண்டியதில்லை. இயல்பாக உருவான ஒரு நாட்டுக்கு, வரலாறு, சமூக மதிப்பீடுகள் தொடர்பான மக்களின் ஒருங்கிணைந்த உணர்வுகளே காரணமாக இருக்கும். இதற்கு இரு வேறுபட்ட தேசியவாத உதாரணங்களை நாம் காணலாம். அவை அமெரிக்க ஐக்கிய நாடுகளும், இஸ்ரேலும். Continue reading

ஊழலை மேலும் வளர்க்கும் ஊழல்!

27 Feb

-கே.ஜெயகுமார்

கடந்த சில வாரங்களில் உலக அளவில் பிரபலமாக விளங்கிய ஆட்சியாளர்கள் பலர் ஊழல் குற்றச்சாட்டால் வீழச்சி அடைந்துள்ளனர். வங்கதேச முன்னாள் பிரதமர் காலிதா ஜியாவுக்கு ஊழல் வழக்கில் தண்டனை விதிக்கப்பட்டது. தென் ஆப்பிரிக்க அதிபர் ஜுமா ஊழல் புகாரால் பதவி விலகினார். முன்னதாக, ஜிம்பாப்வே அதிபர் ராபர்ட் முகாபே ஊழல் புகார் காரணமாக பதவி விலக்கப்பட்டார். பிரேசில் அதிபர் தில்மாவும் முறையற்ற செயல்பாடுகளுக்காக பதவியிலிருந்து நீக்கப்பட்டார்.

அதேசமயம், நம் நாட்டில் நடந்த சில நிகழ்வுகளைக் கவனித்தால் பல உண்மைகள் புரியும். கடந்த கால இந்திய அரசியலில் பிரதானமானவராக வலம் வந்தவரான லாலு பிரசாத் யாதவ், கால்நடைத் தீவன ஊழலில் கோடிகளைக் குவித்ததற்காக சிறையில் அடைக்கப்பட்டிருக்கிறார். ஜார்க்கண்ட் மாநில முன்னாள் முதல்வரான மது கோடாவும் ஊழல் வழக்கில் தண்டிக்கப்பட்டிருக்கிறார். மேலும் பல சக்தி வாய்ந்த அரசியல் தலைவர்கள் ஊழல் வழக்கில் தண்டனையை எதிர்நோக்கியுள்ளனர்.

பதவியில் இருப்பவர்களை அரசியல் தவறாக வழிநடத்துவதால்தான் ஊழல் நிகழ்கிறது. சமுதாயத்துக்கு நன்மை செய்யவே தலைவர்களுக்கு மக்கள் வாக்களிக்கிறார்கள். ஆனால், வளர்ச்சிப் பணிகள், பொதுநலன் என்ற பெயர்களில் தங்கள் சுயலாபம் ஒன்றையே கருத்தில் கொண்டு அவர்கள் அதிகார துஷ்பிரயோகம் செய்கிறார்கள். இதன்மூலமாக, அரசின் அதிகாரம் அரசு நிதியை தவறாகக் கையாள்வதற்கும், சட்டவிரோதமான செயல்களுக்கான ஆதாரமாகவும் மாற்றப்பட்டு விடுகிறது. Continue reading

மாநிலங்களவை என்னும் தடைக்கல்!

21 Feb

-ஏ.சூரியபிரகாஷ்

நாடாளுமன்றத்தில் இரு அவைகளைக் கொண்டிருப்பது கூட்டாட்சி முறையில் நம்பிக்கை கொண்ட ஜனநாயகத்துக்கு ஒருவகையில் தடைக்கல்லாகவே மாறி இருக்கிறது. மக்களவைக்கு பெருவாரியான மக்கள் ஆதரவுடன் வென்றாலும்கூட, ஆட்சியாளர்கள் மக்களுக்கு அளித்த வாக்குறுதியை நிறைவேற்றாமல் மாநிலங்களவையால் தடுக்க முடியும் என்ற சூழல் நிலவும்வரை, மக்களவை வெற்றியை மட்டும் நாடாளுமன்ற ஜனநாயகத்தில் வலிமையானதாகக் கருத முடியாது.

விடுதலை அடைந்த பிறகான இத்தனை ஆண்டுகளில் காங்கிரஸ் ஆட்சி என்ற ஒற்றைக் கட்சி ஆட்சி நிலவிய காலம் தவிர்த்து வேறெந்த ஆட்சியாளர்களும் மாநிலங்களவையில் பெரும்பான்மை பெற்றதில்லை. இந்த நிதர்சன உண்மையின் கசப்பை சமாளிக்க முடியாமல் பிரதமர் நரேந்திர மோடியின் அரசும் திணறி வருகிறது. அவரது அரசு மேற்கொள்ளும் பல முயற்சிகளுக்கு நாடாளுமன்ற மேலவை தடையாகவே இருந்து வருகிறது. Continue reading

குறை காண ஏதுமில்லை!

4 Feb

-எஸ்.குருமூர்த்தி

முந்தைய அரசின் ஊழல்கள், தள்ளாடும் நிலையில் கைவிடப்பட்டிருந்த பொருளாதாரம், வெளி வர்த்தகப் பற்றாக்குறை, கொள்கைக் குழப்பங்களால் இந்தியப் பொருளாதாரம் மிக மோசமான நிலையில் இருந்தது. எனவே, மத்திய நிதியமைச்சர் அருண் ஜேட்லியின் முதல் மூன்று நிதிநிலை அறிக்கைகளும், தீவிர சிகிச்சைப் பிரிவில் இருந்த இந்தியப் பொருளாதாரத்தை மீட்கும் நோக்கம் கொண்டவையாக மட்டுமே இருந்தன. சென்ற நிதிநிலை அறிக்கை  பண மதிப்பிழப்பு நடவடிக்கையின் தாக்கத்தால் ஏற்பட்ட பாதிப்புகளின் பின்னணியில் அமைந்திருந்தது.

முந்தைய நிதிநிலை அறிக்கைகளைப் போலல்லாமல்,  முற்றிலும் தடைகளற்ற நிலையில் தற்போதைய 2018-19 ஆண்டுக்கான நிதிநிலை அறிக்கையை தாக்கல் செய்திருக்கிறார் அருண் ஜேட்லி. ஜி.எஸ்.டி. அறிமுகத்தால் சில பாதிப்புகள் இருந்தாலும்கூட, அரசுக்கு கணிசமான அளவில் தற்போது வருவாயும் ஏற்பட்டிருக்கும் நிலையில் இந்த நிதிநிலை அறிக்கை தாக்கல் செய்யப்பட்டிருக்கிறது.

கடந்த மூன்றரை ஆண்டுகளில் மேற்கொள்ளப்பட்ட பல்வேறு நடவடிக்கைகளின் விளைவாக அடைந்திருக்கும் வலுவான பொருளாதாரத்தின் அடிப்படையில் தான்,  இந்த 2018-19 ஆண்டுக்கான நிதிநிலை அறிக்கை தாக்கல் செய்யப்பட்டிருக்கிறது.  பண மதிப்பிழப்பு நடவடிக்கை, ஜி.எஸ்.டி. ஆகியவற்றால் சரிவு கண்டு மீண்டெழுந்த உற்பத்தித் துறை மற்றும் சேவைத் துறைகளும், இயல்புநிலைக்குத் திரும்பிவிட்ட ஒட்டுமொத்த பொருளாதார வளர்ச்சியும் (ஜி.டி.பி.) இந்த நிதிநிலை அறிக்கைக்கு வலு  சேர்த்திருக்கின்றன. Continue reading

போற்றுதலுக்கு உரிய நீதிபதிகள்!

30 Jan

-ஜி.எஸ்.வாசு

கடந்த ஜனவரி 12-இல் தில்லியில், உச்ச நீதிமன்றத் தலைமை நீதிபதி தீபக் மிஸ்ராவுக்கு எதிராக ஊடகங்களைச் சந்தித்து பேட்டியளித்த உச்ச நீதிமன்ற நீதிபதிகள் நால்வரின் செயல் இன்று விவாதப் பொருளாகியிருக்கிறது. முன்னெப்போதும் நடந்திராத இந்த நிகழ்வால் பலரும் கவலை அடைந்துள்ளனர்.

உச்ச நீதிமன்றத்தின் மூத்த நீதிபதிகள் ஐவரில் நால்வர், குறிப்பாக நீதிபதிகளை நியமிக்கும் கொலீஜியத்தின் ஐந்து உறுப்பினர்களில் நால்வர், தலைமை நீதிபதிக்கு எதிராகக் கிளர்ந்தெழுந்தது, உச்ச நீதிமன்றத்தின் நிலையைக் கேள்விக்குள்ளாக்கியது.

நாட்டின் அரசியல் சூழலிலும் அரசு நிர்வாகத்திலும் மக்கள் நம்பிக்கை இழந்துவரும் சூழலில், மக்களின் நம்பிக்கை நட்சத்திரமாக விளங்கும் உச்ச நீதிமன்றத்தில் நேரிட்டுள்ள இந்த நிகழ்வு சரியானதா என்ற கேள்வி எழுகிறது. நீதித் துறையின் கண்காணிப்பை உறுதிப்படுத்தும் நீதிபதிகளின் மதிப்பு குறைவது, மக்களிடம் நம்பிக்கை இழக்கச் செய்துவிடும்.

அந்த வெள்ளிக்கிழமை நான்கு நீதிபதிகளும் இந்த அளவுக்கு எல்லை கடந்திருக்க வேண்டுமா என்ற கேள்வியும் எழுகிறது. தங்கள் கருத்துகளை பொதுவில் வைப்பதற்கு முன், தங்களிடையிலான பிரச்னைகளுக்குத் தீர்வு காண அவர்கள் போதிய முயற்சி மேற்கொண்டனரா என்பதும் முக்கியமானது. ஏனெனில் ஊடகங்களைச் சந்தித்த நான்கு நீதிபதிகளும் கூறிய புகார்கள் நியாயமானவையாகவும், ஜனநாயகத்தைக் காப்பதில் அடிப்படையானவையாகவும் உள்ளன. எனினும் தீப்பொறி எங்கு எழுந்தாலும் ஒட்டுமொத்த இல்லத்தையும் அது எரித்துவிடும் என்பதை மறக்கக் கூடாது. Continue reading

கட்சித் தாவல்களுக்குக் கடிவாளம்

30 Dec

-ஏ.சூரியபிரகாஷ்

நாடாளுமன்ற மாநிலங்களவையின் உறுப்பினர் பதவியிலிருந்து சரத் யாதவ், அலி அன்வர் அன்சாரி ஆகியோரை நீக்கி அண்மையில் உத்தரவு பிறப்பித்தார் குடியரசுத் துணைத் தலைவரும் மாநிலங்களவைத் தலைவருமான வெங்கய்ய நாயுடு. அதற்கு அவர் குறிப்பிட்ட காரணங்கள், கட்சித் தாவல் தடைச் சட்டத்தை வலுப்படுத்துபவையாகயும், அதற்கு புதிய கோணம் தருபவையாகவும் அமைந்துள்ளன.

மாநிலங்களவையின் உறுப்பினர் பதவியிலிருந்து  ‘தாமாகவே பதவி விலகுவது’ தொடர்பான விவகாரங்களில் வரும் காலத்தில் அவைத்தலைவர்கள் எவ்வாறு செயல்பட வேண்டும் என்பதற்கான உதாரணத்தை அவரது முடிவு உருவாக்கியிருக்கிறது. அதுமட்டுமல்ல, இத்தகைய விவகாரங்களை தேவையின்றி நீண்டகாலம் இழுத்தடிக்காமல், 3 மாதங்களுக்குள் விசாரித்து முடிவெடுக்க வேண்டும் என்ற நிலையும் அவரது முடிவால் ஏற்பட்டிருக்கிறது. Continue reading

%d bloggers like this: