Tag Archives: பாரம்பரியம்

அறிய வேண்டிய பாரத அறிவியல் முன்னோடிகள்

12 Dec

கணாத மகரிஷி

அறிவியலிலும் கணிதத்திலும் உலக நாடுகள் முத்திரை பதித்து வருவது சுமார் 800 ஆண்டுகளாக மட்டுமே. ஆனால், பொது யுகத்துக்கு (2,000 ஆண்டுகளுக்கு) முன்னரே பாரதம் இத்துறைகளில் பாரதம் சிறந்து விளங்கியுள்ளது. இடைப்பட்ட காலத்தில் அந்நிய ஆக்கிரமிப்புகளால் பாரதத்தின் ஆராய்ச்சி வேகம் மட்டுப்பட்டது. அக்காலத்தில்தான் ஐரோப்பிய மறுமலர்ச்சியும் தொழில்புரட்சியும் உருவாக்கிய அறிவியல் கண்டுபிடிப்புகளால் உலகின் முன்னேற்றம் வேகம் பெற்றது.

நவீன அறிவியல் மேம்பாடு அடைந்த காலகட்டத்தில் பாரதம் அடிமைத்தளையில் கட்டுண்டிருந்ததாலும், இங்கு நிலையான அரசமைப்புகள் இல்லாததாலும், நமது அறிவியல் சிறப்புகளை நாமே அறியாமல் இருந்துவிட்டோம். இருப்பினும் நமது பாரம்பரிய அறிவியல், மருத்துவம், கணித நூல்கள் அரபி மொழிமாற்றம் வாயிலாக உலக நாடுகளுக்குப் பயணப்படுவதற்கு அந்தக் காலகட்டம் உதவியது.

பழங்காலத்திலிருந்தே இந்திய குருகுலக் கல்விமுறையில் கல்வி, ஆராய்ச்சிக்கு மிகுந்த முக்கியத்துவம் அளிக்கப்பட்டுவந்தது. நாட்டில் பேரரசுகள் மறைந்தபோது குருகுலக் கல்வி முறையும் தேக்கம் அடைந்தது. இருப்பினும், நமது குருகுலக் கல்வி முறை உலகுக்கு அளித்த ஞானக் கருவூலம் அளப்பரியது. ஆரியபட்டர் முதல் பிரம்மகுப்தர் வரையிலான கணித மேதைகளும், சரகர், சுஸ்ருதர், வாக்படர் எனத் தொடர்ந்த ஆயுர்வேத மருத்துவர்களும் உலக விஞ்ஞானிகளால் மிகவும் மதிக்கப்படுகின்றனர்.

அந்த வகையில் கோட்பாட்டு இயற்பியல் துறையிலும் இந்திய ரிஷிகள் பலர் அரிய தத்துவங்களை முன்வைத்துள்ளனர். பொது யுகத்துக்கு முந்தைய காலகட்டத்தைச் சேர்ந்த பரத்வாஜர், கபிலர், கணாதர், பதஞ்சலி, கெüதமர் ஆகியோரது பங்களிப்புகள் அவ்வகையில் முன்னோடியாக மிளிர்கின்றன. Continue reading

Advertisements

ஆயுர்வேத மருத்துவத்தை வளர்த்தவர்கள்!

5 Dec

நோயற்ற வாழ்வே குறைவற்ற செல்வம் என்பது பழமொழி. உலகுக்கு இந்தியா அளித்த செல்வமான ஆயுர்வேத மருத்துவ முறை, மக்களின் ஆரோக்கியம் காப்பதில் பெரும் பங்கு வகிக்கிறது.

புராணப்படி, மருத்துவக் கடவுளான தன்வந்திரி ஆயுர்வேதத்தின் மூலவராக வணங்கப்படுகிறார். அவரையடுத்து, காசி மன்னன் திவோதசன், ஆயுர்வேத வல்லுநராகவும் அறுவைச் சிகிச்சை நிபுணராகவும் விளங்கினார். அவரிடம் பயிற்சி பெற்றவரே சுஷ்ருதர் (பொயு.மு. 1000). அவரையடுத்து சரகர் (பொயு.மு. 300), வாக்படர் (பொ.யு. 500) ஆகியோர் ஆயுர்வேதத்தை வளர்த்தனர். ஆயினும் பாரதத்தில் ஆயுர்வேதத்தை வளர்த்த மேலும் பலரை அறிவது அவசியம். Continue reading

சுஷ்ருதர்: அறுவைச் சிகிச்சை முறையின் தந்தை

28 Nov

சுஷ்ருதர்

உலகின் பழமையான மருத்துவ முறை ஆயுர்வேதம். இது உடலில் ஏற்படும் நோயைத் தீர்ப்பதுடன், நோய் அணுகாத வகையில் உடல் வலிமை பெறவும் உதவுகிறது. பின்விளைவுகளற்ற பாரம்பரிய மருத்துவ முறையான ஆயுர்வேதம், சுமார் 5,000 ஆண்டுகள் பாரம்பரியம் கொண்டது.

மனம், உடல், ஆன்மா ஆகிய மூன்றும் இணைந்தவனே மனிதன் என்று ஆயுர்வேதம் கூறுகிறது. எனவே அதன் சிகிச்சை முறைகள், இம்மூன்றும் பண்படும் நிலைக்கான வழியாகவே உள்ளன. ஆயுர்வேதத்தின் மும்மூர்த்திகளாகக் கருதப்படும் சரகர், சுஷ்ருதர், வாக்படர் ஆகியோரில், சுஷ்ருதர் காலத்தால் மிகவும் முற்பட்டவர். பொது யுகத்துக்கு முன் ஆயிரம் முதல் 800 வரையிலான காலகட்டத்தில் வாழ்ந்தவராக அவர் கருதப்படுகிறார்.

மகாபாரதத்திலேயே சுஷ்ருதர் குறித்த குறிப்புகள் உள்ளன. விஸ்வாமித்திர மகரிஷியின் மகனான சுஷ்ருதர், ஆயுர்வேதக் கலையில் நிபுணத்துவம் பெற்ற காசி மன்னர் திவோசதசனின் பன்னிரு சீடர்களுள் முதன்மையானவர். அவரிடம் பெற்ற பயிற்சியின் அடிப்படையில் சல்லிய தந்திரம் நூலை முதல் நூலாகக் கொண்டு அவர் எழுதியதே ‘சுஷ்ருத சம்ஹிதை’ நூலாகும். Continue reading

சரகர்: பாரத மருத்துவத்தின் தந்தை

21 Nov

சரகர்

உலகுக்கு பாரதம் வழங்கிய கொடைகளுள் தலைசிறந்தது ஆயுர்வேதம் எனப்படும் பாரம்பரிய மருத்துவ முறை. மனிதரின் ஆயுளைக் காக்கும் கலை என்ற பொருள் கொண்ட ஆயுர்வேதத்தின் வயது ஐயாயிரம் ஆண்டுகளுக்கு மேற்பட்டது. பொது யுகத்துக்கு 2,000 ஆண்டுகள் முந்தைய அதர்வண வேதத்திலேயே ஆயுர்வேதம் குறித்த குறிப்புகள் உள்ளன.

பண்டைய பாரதத்தில் நால்வேதங்களை அடுத்து உபவேதமாகவே ஆயுர்வேதம் கற்பிக்கப்பட்டது. படைக்கும் கடவுளான பிரம்மாவே இதனை மருத்துவக் கடவுளான தன்வந்திரிக்கு உபதேசித்ததாகவும், பிறகு வழி வழியாகக் கற்பிக்கப்பட்டு, புனர்வசு ஆத்ரேய மகரிஷியிடம் சேர்ந்ததாகவும்,  அவர், அக்னிவேஷர், பேலர், ஜாதுகர்ணர், பராசரர், ஹரிதர், க்‌ஷரபாணி ஆகிய தனது 6 சீடர்களுக்கு அதைக் கற்பித்ததாகவும் கூறப்படுகிறது. அவை ஆறு விதமான குருகுலங்களாகப் பயிலப்பட்டன.

அவர்களுள் ஒருவரான அக்னிவேஷர் ஆயுர்வேதத்தின் கிரந்தப் பதிவுகளை முதல் முறையாக அக்னிவேஷ தந்திரமாகத் தொகுத்தார். ஆயுர்வேதத்தின் ஆறு பள்ளிகளையும் பரிசீலித்த சரகர், அவரகளுள் முதன்மையானவராக அக்னிவேஷரைக் கொண்டு, அவரது வழி நின்று, அக்னிவேஷரின் நூலை செம்மைப்படுத்தி,  ‘சரக சம்ஹிதை’ என்ற நூலாக்கினார். அதுவே இன்றைய ஆயுர்வேத மருத்துவத்துக்கு வழிகாட்டும் நூலாக உள்ளது. எனவேதான் சரகர்  ‘பாரத மருத்துவத்தின் தந்தை’ என்று வர்ணிக்கப்படுகிறார். Continue reading