Tag Archives: புதுக்கவிதை

மய்யமாக ஒரு கவிதை…

13 Oct

கதவு திறந்து கிடக்கிறது யாருமின்றி.
(ஆள் அரவமின்றின்னும் போட்டுக்கலாம்)
கேட்காமல் நுழையலாமா?
கதவுக்குப் பின்னால் கட்டையுடன்
யாரேனும் இருப்பார்களோ?
குறுக்கே ஓடும் பூனை கௌவிக் கொண்டிருப்பது
எலியா, பட்சணமா?
பட்சணம் என்றால் வீட்டுக்குள் யாரோ இருக்கிறார்கள்.
எலி என்றாலும் யாராவது வீட்டுக்குள் இருக்க வாய்ப்புள்ளது என்பதை மறுக்க முடியாது.
அழைத்தால் யாரும் இல்லாத
அந்த வீட்டில் யாருக்குக் கேட்கும்?
அல்லது வீட்டில் இருப்பவர்கள் செவிடாக இருக்கவும்
சாத்தியம் உள்ளது.
சந்தடி இல்லாமல் நுழைந்து
பார்த்தால்தான் என்ன?
உள்ளேதான் சந்தடி இல்லையே?
எதற்கும் கட்டையுடன் உள்ளே நுழையலாமா?
தாழ்வாரத்தில் உலரும் துணிகளைக் காண்கையில்
இப்போதுதான் சலவை செய்ததுபோலத் தெரிகிறது.
யாரோ இருப்பதுபோலத் தான் இருக்கிறது.
துவைத்துவிட்டு வெளியேயும் சென்றிருக்கலாம்.
ஹலோ யாருங்க வீட்டில?
ஆமாம் இது வீடு தானா?

.
பி.கு  டெடிகேட்டட் டு மை பிலவ்ட் ஏக்டர்
க மலஹாசன்.

Advertisements

கறை

22 Jul
.

அன்புடன் தொற்றிய நாய் மீது

வள்ளென விழுந்தேன்.

சட்டையில் மட்டுமா கறை?

.
விஜயபாரதம் (13.11.1998)

’கழனி’ மின்னிதழுக்கு வாழ்த்து!

1 Jul

 

பல்லடத்தில் இயங்கும் ’ழ’கரம் இலக்கிய அமைப்பு சார்பில்,

விளம்பி வருடம், ஆனித் திங்கள் 17ம் நாள் (01.07.2018) ஞாயிற்றுக்கிழமை

சகோதரர் திரு. சு.அ.ஹரிஹரனை ஆசிரியராகக் கொண்டு வெளிவந்துள்ள

’கழனி’ மின்னிதழுக்கு எனது வாழ்த்துக் கவி இது…

 

பைந்தமிழ் உழவர்களின் கழனி வாழ்க!

Continue reading

அபத்தம்

6 Jun

மூக்கு முட்ட சாப்பிடும்
தொழிலாளர்நல ஆய்வாளர்.

ஏக்கத்துடன் இலைஎடுக்கும்
குழந்தைத் தொழிலாளி.