Tag Archives: முகநூல்

முகநூலில் ஒரு விவாத சரடு…

13 Jul

தமிழகத்தில் குறிப்பிட்ட சதவீதம் உள்ள பள்ளர் ஜாதியினர் தங்களை பட்டியலினத்திருந்து நீக்க வேண்டும்; தங்களை தேவேந்திரகுல வேளாளர்கள் என்று அரசு அறிவிக்க வேண்டுமென்று கோரி வருகிறார்கள். அதற்கு வேளாளர் பிரிவில் உள்ள சில ஜாதியினர் எதிர்ப்புத் தெரிவிக்கிறார்கள். இந்த சர்ச்சை அண்மைக்காலமாக பெரிதாகி வருகிறது.

பள்ளர் அல்லது மள்ளர் எனப்படுவோர் தென் தமிழகத்தில் வாழுகின்ற ஒரு பட்டியல் சமூகத்தினர். இவர்கள் கர்நாடகம், கேரளம், இலங்கையிலும் வசிக்கின்றனர். தமிழகத்தில் பள்ளர், வாய்காரர், காலாடி, மூப்பன், குடும்பன், பண்ணாடி, தேவேந்திர குலத்தான் எனும் வேறு சில பெயர்களிலும் இந்த ஜாதியினர் அழைக்கப்படுகின்றனர். இவர்கள் தங்களை தேவேந்திரன் வழி வந்தவர்கள் என்று சொல்லிக் கொள்கிறார்கள். எனவே தேவேந்திர குல வேளாளர் எனும் பெயரால் அழைக்கப்படுகிறார்கள்.

பள்ளர் எனும் மள்ளர் இனத்தினர் தமிழ்நாடு ஜாதிகளின் அனைத்துப் பட்டியலிலும் உள்ளனர். கீழுள்ள ஏழு பள்ளர் உட்பிரிவுகளையும் சேர்த்து தேவேந்திர குல வேளாளர் என தமிழ்நாடு சாதிகள் பட்டியலில் பெயரை மாற்ற இந்த சமூகத்தினர் போராட்டங்களை நடத்தி வருகின்றனர்:

  1. தேவேந்திர குலத்தார், (பட்டியல் சாதிகள்- எண் 17)
  2. குடும்பன், (பட்டியல் சாதிகள் -எண் 35)
  3. பள்ளர், (பட்டியல் சாதிகள்- எண் 49)
  4. பன்னாடி, (பட்டியல் சாதிகள்- எண் 54)
  5. மூப்பன், (பிற்படுத்தப்பட்டோர்- எண் 72)
  6. காலாடி, (பிற்படுத்தப்பட்டோர் -எண் 35)
  7. காலாடி, (சீர்மரபினர் -எண் 28)

இந்த மேற்கண்ட ஏழு பிரிவினரையும் ஒரே பெயரில் தொகுத்து, ‘தேவேந்திரகுல வேளாளர்’ என்ற பெயரில் பிற்பட்ட சமூகமாக அங்கீகரிக்க வேண்டும் என்பதே இவர்களின் கோரிக்கை.

குறிப்பாக, தேவேந்திர குல மக்களின் தலைவராக உருவெடுத்துள்ள மருத்துவர் கிருஷ்ணசாமியும், மற்றொரு தலைவர் ஜான் பாண்டியனும் மத்திய ஆளும் கட்சியான பாஜகவுடன் நட்புறவு கொண்டு இக்கோரிக்கையை முன்வைப்பதால், அரசியல் அரங்கில் அதிர்வுகள் ஏற்பட்டுள்ளன. பாஜக அவர்களின் கோரிக்கைக்கு ஆதரவு தெரிவித்திருப்பதாலேயே, பிற கட்சிகள் இதனை எதிர்த்தாக வேண்டிய நிலைக்குத் தள்ளப்பட்டுள்ளன. தவிர, பிற வேளாள ஜாதியினரை இதற்கு எதிராகத் தூண்டிவிடும் முயற்சிகளும் நடைபெறுவதால் இப்போதைக்கு தமிழக அரசு அமைதி காக்கிறது.

இந்த நிலையில் திருப்பூர் நண்பர் திரு. கு.சிவகுமார் தனது முகநூல் பக்கத்தில் இது தொடர்பான ஒரு விவாதச் சரடை உருவாக்கி இருந்தார். அதில் என்னையும் தொடுத்திருந்தார். அதில் எனது கருதுகளைப் பதிவு செய்திருக்கிறேன். மாற்றம் ஒன்றே மாறாதது என்ற சமூக இயங்குவியலின் அடிப்படையிலானவை எனது இந்தக் கருத்துகள். Continue reading

ஈனப் பிறவிகளுடன் இணை வைக்காதீர்!

5 Jun
மனிதத்தன்மை இல்லாதவனை
இனியேனும்
மிருகமென்று சொல்லாதீர்கள்.
அன்னாசிப் பழத்துக்குள்
பட்டாசு வைத்து
கர்ப்பிணி யானைக்கு ஊட்ட
மிருகங்களுக்குத் தெரியாது.
.
மதியைக் கெடுக்கும் மதவெறியால்
ஐந்தறிவு ஜீவனைச் சீரழிக்க
மனிதனால் மட்டுமே இயலும்.
யானை வடிவில் சிலர்
இறைவனை வழிபடுவதற்கு
அந்த யானை என்செய்யும்?
ஈனப்பிறவியான மனிதனை
வசைபாடுவதாக நினைத்து
மிருகங்களை கேவலப் படுத்தாதீர்!

. Continue reading

சைவம் காத்த பெருமான்!

27 May

சேக்கிழார் பெருமான்

சுமார் 900 ஆண்டுகளுக்கு முன், தமிழகத்தின் தொண்டை நாட்டில், புலியூர்க் கோட்டம், குன்றத்தூரில், சைவம் தழைத்தோங்க அவதரித்தவர் சேக்கிழார் பெருமான்.
.
சோழ மன்னன் கரிகாலனால் குன்றத்தூரில் குடியேற்றப்பட்ட வேளாளர் குடும்பங்களில் சேக்கிழார் குடும்பமும் ஒன்று. அந்தக் குடும்பத்தில் வெள்ளியங்கிரி முதலியார்- அழகாம்பிகை தம்பதியருக்கு தலைமகனாக அவதரித்தவர் அருண்மொழிராமதேவர். இவரே பின்னாளில் குடும்பப்பெயரான ‘சேக்கிழார்’ என்ற பெயரால் பிரபலமானார்.

Continue reading

பயணங்கள் முடிவதில்லை…

4 May

உலகம் முழுவதும் அச்சுறுறுத்திவரும் கொரோனா வைரஸ் கிருமியால் இன்று ஒவ்வொருவரின் வாழ்க்கையும் பாதிக்கப்பட்டுள்ளது- சிவன் முதுகில் விழுந்த பிரம்படி அனைவர் முதுகிலும் விழுந்தது போல.

இதன் காரணமாக உலகம் முழுவதும் ஊரடங்கில் தவிக்கிறது. இந்தியாவும் இதில் விதிவிலக்கல்ல. கொவிட்-19 என்னும் சீன வைரஸ் தாக்கத்தால் நுரையீரல்கள் செயலிழந்து உயிரை மாய்ப்பதைத் தடுக்கவோ, தக்க சிகிச்சை அளிக்கவோ சரியான மருந்துகள் ஏதும் இதுவரை கண்டறியப்படாததால், மக்கள் தங்களை தனிமைப்படுத்திக் கொள்வதே சரியான தற்காப்பு நடவடிக்கை என்று உலக சுகாதார நிறுவனமே வலியுறுத்திவிட்டது.

இந்தியாவில் கடந்த மார்ச் 24ம் தேதி ஊரடங்கின் முதல் கட்டம் அறிவிக்கப்பட்டது. மார்ச் 25 முதல் ஏப்ரல் 14 வரையிலான அந்த முதல் கட்டத்தின் மொத்த நாட்கள்: 21. அடுத்து ஊரடங்கு மேலும் 19 நாட்களுக்கு, மே 3 வரை இரண்டாம் கட்டமாக நீட்டிக்கப்பட்டது. தற்போது மூன்றாம் கட்டமாக மே 4 முதல் மே 17 வரை 14 நாட்களுக்கு நீட்டிக்கப்பட்டுள்ளது. மே 17க்குப் பிறகு ஊரடங்கு நீட்டிக்கப்படுமா என்பதை அன்றைய சூழல் முடிவு செய்யும். Continue reading

தேசமே தெய்வம் என்றவர்!

25 Mar
நான்கு சிறுவர்களுடன் 1925இல் நாகபுரியில் இவர் துவங்கிய சிறுகூடுதல், இன்று உலகின் மாபெரும் தன்னார்வ அமைப்பாகி இருக்கிறது.
.
இவரது பெயரை பலருக்குத் தெரியாது. ஆனால் இவர் நிறுவிய அமைப்பை இன்று உலகமே அறியும். இந்திய நாட்டின் தற்போதைய அற்புதமான மாற்றங்கள், இந்த அமைப்பின் உழைப்பின் ஒருங்கிணைந்த பலனே!

Continue reading

என்னைப் போல் ஒருவன்!

8 Mar
திமுக பொதுச்செயலாளர் திரு. க.அன்பழகன் வெள்ளிக்கிழமை (மார்ச் 7, 2020) காலமானபோது, எனது முகநூல் பக்கத்தில் ஓர் அஞ்சலிக் குறிப்பை (கவிதை அல்ல) பதிவு செய்திருந்தேன். அதற்கு வந்த சில பின்னூட்டங்களே இந்தப் பதிவுக்குக் காரணம்.
.
நீங்கள் ஏற்காவிட்டாலும் திரு. அன்பழகன் தமிழக அரசியலில் சுமார் 70 ஆண்டுகள் முக்கிய பிரமுகராக இருந்திருக்கிறார். அவரது வாதங்கள் பொய்யாக இருந்திருக்கலாம்; பிரசாரம் குதர்க்கமாக இருந்திருக்கலாம். அவரது செய்கைகள் உங்களைப் புண்படுத்தி இருக்கலாம். ஆனால், தமிழக அரசியலில் திராவிட அரசியலின் முக்கியத்துவத்தையோ, அதற்கு அன்பழகன் அவர்களின் பங்களிப்பையோ யாரும் மறைக்க முடியாது. அவரது கருத்துகளுடன் முற்றிலும் முரண்படுபவன் நான் என்பதை என்னை அறிந்தவர்கள் அனைவரும் அறிவார்கள். அது தனிக்கதை. ஆனால், அவர் இறந்தபோது, அவரது ஆன்மா சாந்தி அடையப் பிரார்த்திக்க ஓர் இந்துவாக எனக்கு உரிமை இருக்கிறது. அவரது பாவ, புண்ணியங்களுக்கு ஏற்ப இறைவன் அவருக்கு நியாயம் வழங்கட்டும். ஆனால், அவரது உயிர் பிரிந்த சமயத்தில் அவரை வசை பாடுவது ஏற்புடையதல்ல.

Continue reading

%d bloggers like this: