Tag Archives: வரலாறு

இரண்டும் உடையவன்!

14 Apr

வாழ்த்துவதற்கும்
வயது வேண்டும்.
வரவேற்பதற்கும்
பண்பாடு வேண்டும்.
இரண்டும் உடையவன்
நான்.

Continue reading

ராசராசேச்சுவரத்துக்கு நல்வணக்கம்!

5 Feb
.
அரிதினும் அரிதாம் இந்த
  மானுடப்பிறவி தன்னில்
பெரிதினும் பெரிதாய்ச் செய்யப்
  பிறந்தவன் ராசராசன்!
விரிந்திடும் கடலைப் போல,
  விளைந்திடும் பூமி போல,
எரிந்திடும் கதிரைப் போல,
   ஏற்றமாய்க் கோயில் கண்டான்!
.
திண்ணிய நெஞ்சம் கொண்டோர்
  திறமைகள் பெருக்கிவிட்டால்
எண்ணிய செயல்க ளெல்லாம்
  எளிதினில் கூடுமென்று
நண்ணிய புலவனுக்கு
  நல்லதோர் சான்றாய் நின்று
விண்ணியற் கோயில்தன்னை
  விளைத்தவன் ராசராசன்!
.
அருமறை ஆடல்வல்லான்
  அவைதனில் ஒளிந்திருந்த
திருமுறை தொகுக்கச் செய்தான்
  தீந்தமிழ்ப் புரந்த வள்ளல்!
செறுபகை வீழ்த்தி வென்றான்!
  செம்மையாய் ஆட்சி செய்தான்!
அறமுறை பிறழ்ந்திடாமல்
  அனைவரின் துணையும் ஆனான்!
.
குடிகளைக் காத்த தோழன்!
  குவலயம் வென்ற சோழன்!
விடியலின் பரிதியைப் போல்
 விதியினை மாற்ற வந்தோன்!
மடியிலா மன்னவர்க்கு
  மரணமே இல்லையென்னும்
அடிகளை மண்ணில் நாட்ட
  அவதாரம் புரிந்து சென்றான்!
.
எல்லையைப் பெருக்கி வைத்தான்!
  எதிரியர்க் கெமனுமானான்!
வல்லமை கொண்ட நாடே
  வளமுற வாழும் என்றான்!
அல்லவை தேய ஈசன்
 அடிமையாய்ப் பூசை செய்தான்!
நல்லவன் ராசராசன்
  நாட்டினான் பெரிய கோயில்!
.
பி.கு: (தஞ்சைப் பெரிய கோயில் குடமுழுக்கு விழா இன்று (05.02.2010)  நடைபெறுவதை ஒட்டி எழுதப்பட்டது) முகநூலில் வெளியானது.

இந்திய விஞ்ஞானிகள்-டாப் 10

17 Dec

அறிவியலே வெல்லும்!

முன்னைப் பழமைக்கும் முன்னைப் பழமையள்; பின்னைப் புதுமைக்கும் பின்னைப் புதுமையள் பாரத அன்னை.

பல துறைகளிலும் சிறந்து விளங்கிய பண்டைய பாரதம் விஞ்ஞானத்தில் மிளிர்ந்தமைக்கு சான்றாக 2,500 ஆண்டுகளுக்கு முற்பட்ட ஆரியப்பட்டர், வராஹமிகிரர், சரகர், சுஷ்ருதர் போன்றோர் உள்ளனர்.

அதேபோல, நவீன விஞ்ஞான உலகிலும் இந்திய விஞ்ஞானிகள் வெற்றிக்கொடியை தொடர்ந்து நாட்டி வருகின்றனர்.

அவர்களுள் முதன்மையரான 10 விஞ்ஞானிகளை சுருக்கமாக அறிமுகப்படுத்துவதே இந்தத் தொகுப்பின் நோக்கம்.

உள்ளடக்கம்:

1 ஜெகதீச சந்திர போஸ்

2 ஆச்சார்ய பிரபுல்ல சந்திர ராய்

3 ஸ்ரீநிவாச ராமானுஜன்

4 சந்திரசேகர வெங்கட்ராமன்

5 சத்யேந்திரநாத் போஸ்

6 சாந்தி ஸ்வரூப் பட்நாகர்

7 எடவலேத் கக்கத் ஜானகி அம்மாள்

8 ஹோமி ஜஹாங்கீர் பாபா

9 சுப்பிரமணியன் சந்திரசேகர்

10 விக்ரம் அம்பாலால் சாராபாய் Continue reading

இதயங்களை இணைக்கும் சமயம் தந்தவர்!

9 Dec

குரு நானக் தேவர்

(இந்த ஆண்டு சீக்கிய சமய ஸ்தாபகர் நானக்ஜியின் 550வது ஆண்டு)

சத்ஸ்ரீ அகால்!

பாரத நாட்டின் வரலாற்றில் மகான் குரு நானக் தேவருக்கு முதன்மை இடம் உண்டு. அந்நிய ஆக்கிரமிப்பாளர்களால் நாடு அவதிப்பட்டுக் கொண்டிருந்தபோது, நாட்டு மக்கள் நம்பிக்கை இழந்திருந்தபோது, வாராது வந்த மாமணியாகத் தோன்றியவர் குரு நானக். எங்கும் நிராசை தாண்டவமாடிய சூழலில், இறை வழிபாட்டை புதிய திசையில் செலுத்தி, ஆக்கிரமிப்பாளர்களையும் ஈர்த்து தன்வயப்படுத்தியவர் அவர். சநாதன தர்மத்தைக் காக்க 1500 ஆம் ஆண்டுகளில் சமயோசிதமாக அவர் உருவாக்கிய சீக்கிய சம்பிரதாயம், அதன் ஐந்தாவது குருவின் காலத்தில், ஹிந்து தர்மம் காக்க வாளேந்திய கரமாக உருவெடுத்தது. ஆங்கிலேயரின் பிரித்தாளும் சூழ்ச்சியால் அந்த சம்பிரதாயத்தைச் சார்ந்தவர்கள் தங்களை தனிப்பட்ட சமயத்தினராக தங்களைக் கருதிக் கொள்ளும் துர்பாக்கியம் பின்னாளில் ஏற்பட்டிருக்கிறது.

குரு நானக் தேவர் இறையுணர்வின் உச்சத்தைத் தொட்டவர். பாரதத்துக்கே உரித்தான ஆன்மிகச் செழுமையை அவரது போதனைகளில் காண முடியும். அதேபோல, இறைவன் ஒருவரே, அவர் எந்த வடிவில் இருந்தாலும், உருவமற்றவராக இருந்தாலும்  ‘ஒன்றே குலம் ஒருவனே தேவன்’ என்ற பேருண்மையை உலகிற்கு உபதேசித்தவர். அதற்காக பௌத்தர்கள் வணங்கும் சுமேரு மலைக்கும், இஸ்லாமியர்கள் வணங்கும் மெக்கா, மெதினாவுக்கும் அவர் சென்றிருக்கிறார். பாரத நாடு முழுவதும் அவரது புணிதப் பயணம் நிகழ்ந்திருக்கிறது. தனது வாழ்நாளான 70 ஆண்டுகளுக்குள் தனது 4 புனித யாத்திரைகளை (உதாஸி) நிறைவு செய்ததுடன், தான் கண்டறிந்த ஆன்மிக உண்மைகளை உபதேசிக்க, வைராக்கியம் மிகுந்த ஒரு தனி சம்பிரதாயத்தை தனது 30வது வயதில் அவர் உருவாக்கினார். அதற்கு தனது மகன்களை வாரிசாக நியமிக்காமல், தனது சீடர்களுள் முதனமையான குரு அங்கத் என்பவரை இரண்டாவது குருவாக நியமித்தும் சென்றார்.

பாரத நாடு முழுவதிலுமே இத்தகைய தனிப்பட்ட சம்பிரதாயங்களின் உருவாக்கங்களையும் அவற்றிற்கான தேவைகளையும் காண முடியும். அனைத்து சம்பிரதாயங்களும் தனி ஆளுமை கொண்டவையே. ஆனால், அவை அனைத்தும் பின்னிப் பிணைந்தும், ஒன்றுக்கொன்று உரையாடியும் தான் நமது சநாதன தர்மம் ஹிந்து என்ற மதமாக உருவெடுத்தது. Continue reading

இந்நாளில் அன்று…

28 Nov

1997 ஆம் ஆண்டு நவம்பர் 28 இல்
கோவை- உக்கடத்தில் நடந்தது போக்குவரத்துக் காவலர் செல்வராஜ் படுகொலை. கொன்றவர்கள் அல்உம்மா பயங்கரவாதிகள். அப்போது நடந்தது திமுக ஆட்சி.

ஒரே இருசக்கர வாகனத்தில் இஸ்லாமிய இளைஞர்கள் மூவர் வந்ததைக் கண்டித்ததே அவர் செய்த ‘குற்றம்’! பரபரப்பான சாலை நடுவே பிற காவலர்கள், மக்கள் கண்ணெதிரில் அவர் கொல்லப்பட்டார்.

செல்வராஜ் படுகொலையை அடுத்து, ‘காவலர்களுக்கே பாதுகாப்பில்லையா? எங்கள் கைகளைக் கட்டாதீர்’ என்ற முழக்கத்துடன் கோவை மாநகரில் காவல் துறையினர் குடும்பங்களுடன் போராட்டம் நடத்தினர்.

 

இதையடுத்து நடந்த -காவலர்களும் இணைந்து நடத்திய – கலவரத்தில் இஸ்லாமிய மக்கள் கடுமையாகப் பாதிக்கப்பட்டனர். அதற்கு பதிலடியாகவே, 1998 பிப்ரவரி 14இல் கோவையில் பாஜக தலைவர் அத்வானி பங்கேற்க இருந்த பொதுக்கூட்டப் பகுதி உள்பட 13 இடங்களில் பயங்கரவாதிகள் தொடர் குண்டுவெடிப்புகளை நிகழ்த்தி 58 பேரைக் கொன்றனர்; அவற்றில் நூற்றுக்கணக்கானோர் படுகாயம் அடைந்தனர்.

அதன்பிறகு கோவை மாநகரம் மீள 10 ஆண்டுகளுக்கு மேலானது. இன்னமும்கூட 1997க்கு முந்தைய இரவு நேர சுதந்திரமான கோவையைக் காண முடியவில்லை.

திமுக அரசின் பயங்கரவாத ஆதரவு நிலைப்பாட்டுக்கு கோவை மாநகரம் கொடுத்த விலை இது. அதன் தொடர்ச்சியாக லோக்சபா தேர்தலில் திமுக கூட்டணி பலத்த அடி வாங்கியது. வரலாறு கற்பிக்கும் பாடங்களை மறந்தவர்களுக்கு என்றும் மீட்சி இல்லை.

அன்று அல்உம்மா அமைப்பில் இருந்த பலரும், அந்த அமைப்பு அரசால் தடை செய்யப்பட்ட பிறகு வேறு பெயர்களில் அரசியல் கட்சிகளாக இயங்குகிறார்கள். அவர்களுடன் திராவிட, இடதுசாரி, முற்போக்குவாதிகள் குலவுகிறார்கள்.

சரித்திரம் மறப்பதும்
காயங்களை மறைத்து நடிப்பதும்
ஆபத்து. ஆபத்து.
இதை நினைவுபடுத்துவது
கோவை குடிமகனின் கடமை!

Continue reading

புதைந்து கிடக்கும் தமிழர் வரலாறு: கொடுமணல்

23 Nov

கொடுமணலின் நுழைவாயிலில் வரவேற்கும் கல் பதுக்கை.

”கேள்வி கேட்டுப் படிவம் ஒடியாது
வேள்வி வேட்டனை உயர்ந்தோர் உவப்பச்
சாய்அறல் கடுக்கும் தாழ்இரும் கூந்தல்
வேறுபடு திருவின் நின்வழி வாழியர்
கொடுமணம் பட்ட வினைமாண் அருங்கலம்
பந்தர்ப் பயந்த பலர்புகழ் முத்தம்
வரைஅகம் நண்ணிக் குறும்பொறை நாடி…’’

-சங்க இலக்கியமான எட்டுத்தொகையில் ஒன்றான பதிற்றுப்பத்தில் 74வது பாடலில் வரும் வரிகள் இவை. புலவர் அரிசில்கிழார், சேர மன்னன் பெருஞ்சேரல் இரும்பொறையைப் பாடிய பாடல் இது.

“வேதங்களைச் சொல்லக்கேட்டு அதற்கான விரதங்களை இடைவிடாமல் கைக்கொண்டு வேள்விகளைச் செய்து முடித்த மன்னவனே! நுண்ணிய கருமணலைப் போன்ற, கீழே தாழ்ந்து இறங்கிய கரிய கூந்தலைக் கொண்ட திருமகளான லட்சுமியிலும் சிறந்த மற்றொரு திருமகளாகிய உன் மனைவிக்காக கொடுமணம் என்ற ஊரில் இருக்கும் வேலைப்பாடு மிகுந்த அரிய அணிகலன்களையும், பந்தல் என்ற ஊர் தந்த புகழ்பெற்ற முத்துக்களையும் கொண்டு வந்தவனே…” என்று செல்கிறது இக்கவிதை.

இந்தப் பாடலில் குறிப்பிடப்படும் கொடுமணம்தான் ஈரோடு மாவட்டத்தில் உள்ள, தொல்லியல் சின்னங்கள் நிறைந்த கொடுமணல். தொல்லியல் ஆய்வாளர்களின் ஆராய்ச்சியில், சுமார் 2,300 ஆண்டுகளுக்கு முன்னரே, கொடுமணலில் மிகப் பெரும் அணிகலன் உற்பத்தி மையம் செயல்பட்டதற்கான ஆதாரங்கள் கிடைத்துள்ளன. Continue reading

சதுரங்க ராஜாக்கள்

17 Nov

கடந்த ஜூலை மாதம் 18ஆம் தேதி, இந்திய செஸ் விளையாட்டு அரங்கின் பொன்னாள். அன்றுதான் தில்லியைச் சேர்ந்த இளம் செஸ் வீரர் பிரித்து குப்தா (15) இந்தியாவின் 64வது கிராண்ட் மாஸ்டராக அறிவிக்கப்பட்டார். 8 நிரல்களும் 8 வரிசைகளும் கொண்ட சதுரங்கப் பலகையின் கட்டங்கள் 64. இன்று, இந்த 64 கட்டங்களையும் நிரப்புவோராக இந்திய கிராண்ட் மாஸ்டர்கள் உலகை வியப்பில் ஆழ்த்தி இருக்கிறார்கள்.

இந்தச் சாதனைக்கு வித்திட்டவர் இந்தியாவின் முதல் கிராண்ட் மாஸ்டரான தமிழகத்தைச் சேர்ந்த விஸ்வநாதன் ஆனந்த். 1987 டிசம்பரில் அவர் சர்வதேச செஸ் அரங்கில் கிராண்ட் மாஸ்டர் பட்டத்தைச் சூடியபோது அவருக்கு வயது 18 மட்டுமே. Continue reading

மகத்தான மாமனிதரின் நூற்றாண்டு துவக்கம்

10 Nov

தத்தோபந்த் தெங்கடி
(1920 நவ. 10- 2004 அக். 14)

தேசத்தின் சமூக, அரசியல், கலாசாரச் சூழலில் மாற்றம் நிகழ்த்திய பாரதீய சிந்தனையாளர்களுள் அமரர் திரு. தத்தோபந்த் தெங்கடிக்கு முதன்மையான இடமுண்டு. அவர் சிந்தனையாளர் மட்டுமல்லாது நிகரற்ற அமைப்பாளராகவும் விளங்கினார். கட்சி அரசியலைத் தாண்டி ஹிந்துத்துவ சிந்தனையைக் கொண்டுசென்று, தனக்கே உரிய வழியில் அதற்கு நவீன வடிவமும் கொடுத்தார் தெங்கடி. இன்று அவரது பிறந்த நூற்றாண்டு துவங்குகிறது. Continue reading

விடுதலை வீரரின் காவியம்

4 Nov

விடுதலைப் போராட்ட வீரர்களுள் பிற எல்லோரையும் விட கொடிய தண்டனைகளையும் கடும் சித்ரவதைகளையும் பெற்றவர் வீர சாவர்க்கர் என்று அழைக்கப்படும் விநாயக தாமோதர சாவர்க்கர் (1883- 1966).

சட்டம் படிக்க லண்டன் சென்ற இடத்தில், ஆங்கிலேய அரசுக்கு எதிராக ‘இந்திய சுதந்திர சங்கம்’ என்ற புரட்சிகர இளைஞர் குழுவைத் திரட்டி, இந்திய சுதந்திரத்துக்காகக் குரல் கொடுத்தவர் அவர். லண்டனில் அவர் தங்கியிருந்த இந்தியா ஹவுஸ் விடுதி விடுதலை வீரர்களின் பாசறையாக விளங்கியது. அங்கு இருந்தவர்தான் தமிழகத்தின் வ.வே.சு.ஐயர். Continue reading

ஆச்சரியம் அளிக்கப்போகும் கிழக்கு இந்தியா!

25 Apr

நாட்டின் கிழக்குப் பகுதியில் உள்ள மாநிலங்களான பிகார் (40), ஜார்க்கண்ட் (14), மேற்கு வங்கம் (42), ஒடிசா (21) ஆகியவற்றில் மொத்தமாக 117 மக்களவைத் தொகுதிகள் உள்ளன.

இவற்றில் பிகாரில் பாஜகவின் தோழமைக் கட்சியான ஐக்கிய ஜனதாதளமும், ஜார்க்கண்டில் பாஜகவும், மேற்கு வங்கத்தில் திரிணமூல் காங்கிரஸும், ஒடிசாவில் பிஜு ஜனதா தளமும் ஆட்சி செய்கின்றன.

கிழக்கு மாநிலங்களில் அதிக அளவில் பரபரப்புக்குள்ளாகி இருக்கும் மேற்கு வங்கம், இம்முறை தேர்தலில் ஆச்சரியமான முடிவுகளைத் தரும் என்று அரசியல் உலகம் எதிர்பார்க்கிறது. Continue reading

%d bloggers like this: