Tag Archives: வரலாறு

வராஹமிகிரர்: ஜோதிடக் கலையை முறைப்படுத்தியவர்

17 Oct

வராஹமிகிரர்

வானியலும், கணிதமும் இணைந்த மகத்தான கலை ஜோதிடம். எதிர்காலத்தில் நடப்பதை முன்கூட்டியே கணிக்கும் அற்புதமான பாரம்பரிய விஞ்ஞானக் கலை அது. தற்காலத்தில் ஜோதிடம் ஒரு பிழைப்புத் தொழிலாக மாறிய பிறகு அதன் மகத்துவம் குறைந்துள்ளது. ஆனால், உண்மையான ஜோதிடத்தை அரிய விஞ்ஞானமாக நமது முன்னோர் வழங்கிச் சென்றுள்ளனர். அதனை முறைப்படுத்தியவர் ஐந்தாம் நூற்றாண்டில் வாழ்ந்த வராஹமிகிரர் (பொ.யு. 505 – 587).

மத்திய பாரதத்தின் அவந்தியில் பிறந்தவர் மிகிரர். அவரது தந்தை ஆதித்யதாசரும் வானியல் மேதையாவார். கபித்தகா என்ற இடத்தில் கல்வி கற்ற மிகிரர், உஜ்ஜையினியில் வாழ்ந்தார்.

இளம் வயதில் மகதப் பேரரசின் குசும்புரா சென்ற மிகிரர் அங்கு ஆரியபட்டரைச் சந்தித்தார். அந்தச் சதிப்பு, மிகிரரின் உள்ளத்தில் வானியலில் சாதனை படைக்க வேண்டும் என்ற உந்துதலை ஏற்படுத்தியது.

மாளவ ராஜ்ஜியத்தில் குப்தப் பேரரசின் இறுதிக்காலத்தில் ஆட்சி புரிந்த யசோதர்ம விக்கிரமாதித்தனின் அரசவை நவரத்தினங்களுள் ஒருவராக மிகிரர் பணிபுரிந்தார். Continue reading

Advertisements

ஆரியபட்டர்: கணிதவியல், வானியல் முன்னோடி

10 Oct

ஆரியபட்டர்

உலகுக்கு இந்தியா அளித்த கொடைகளில் முக்கியமானது பூஜ்ஜியம். பூஜ்ஜியம் இல்லாத கணிதத்தை கற்பனை செய்யவே முடியாது. அந்த பூஜ்ஜியத்தை முதன்முதலில் பயன்படுத்தியவராக பாரதத்தின் முதலாவது ஆரியபட்டர் (பொ.யு. 476- 550) கருதப்படுகிறார். கணிதத்திலும், வானியலிலும் உலக விஞ்ஞானிகளுக்கு முன்னோடியாகவும், பாரதம் வழங்கிய குருவாகவும் அவர் திகழ்கிறார்.

பாரதத்தில் மகதப் பேரரசு கோலோச்சிய காலகட்டத்தில், அதன் தலைநகரான பாடலிபுத்திரம் (தற்போதைய பிகார் மாநலம், பாட்னா) அருகே குசும்புரத்தில் பிறந்தவர் ஆரியபட்டர். அவர் தாரேகணா என்ற இடத்தில் பிறந்ததாகவும், கேரளத்தின் கொடுங்கலூரில் பிறந்ததாகவும் பலவாறான தகவல்கள் உள்ளன. தவிர, நர்மதை நதிக்கும் கோதாவரி நதிக்கும் இடைப்பட்ட அஸ்மகா நாட்டில் பிறந்தவர் என்று, முதலாவது பாஸ்கரர் குறிப்பிடுகிறார்.

ஆரியபட்டர் பிறந்த இடம் குறித்த சர்ச்சைகள் நிலவினாலும், பிறந்த ஆண்டை அவரே தனது ‘ஆரியபட்டீயம்’ நூலில் மிகத் தெளிவாகக் குறிப்பிட்டுள்ளார். அதில் “கலியுகம் துவங்கி 3,600 ஆண்டுகள் கழிந்த நிலையில், தனக்கு 23 வயது” என்று குறிப்பிட்டுள்ளார். அதைக் கணக்கிட்டால், பொதுயுக ஆண்டு 499-இல் அவர் பிறந்தார் என்பது தெளிவாகிறது.

அதேபோல, அவரது பெயரை ஆரியபடர் என்று சொல்வதா, ஆரியபட்டர் என்று சொல்வதா என்பதிலும் குழப்பம் உண்டு. எனினும், பொதுவழக்கில் ஆரியபட்டர் என்பதே நிலைபெற்றுவிட்டது.

இரண்டாவதாக மற்றொரு ஆரியபட்டர் (பொ.யு. 950- 1100) இருந்துள்ளதால், அவரை முதலாவது ஆரியபட்டர் என்று குறிப்பிடுவது மரபாகும். அரபி விஞ்ஞான உலகம் அவரை ‘அர்ஜெஹிர்’ என்று குறிப்பிடுகிறது. Continue reading

மூலிகை மருந்தியலில் சாதனை படைத்த வேதியியலாளர்

3 Oct

அஸீமா சட்டர்ஜி

 

சித்த மருத்துவம், ஆயுர்வேதம் போன்ற இந்திய மருத்துவ முறைகளில் மூலிகைகளின் பயன்பாடு உலக அளவில் பிரபலமானது. இவற்றில் நோய்க்கான சிகிச்சை மட்டுமல்லாது, நோய் வராமல் தடுப்பது குறித்தும் கூறப்பட்டுள்ளது. ஆயினும் அந்த மூலிகைகளின் பெரும் பயனை நாட்டு மக்கள் முழுமையாக இன்னமும் பெற முடியவில்லை. அதற்குக் காரணம், மூலிகைகளின் மருத்துவப் பயன்பாடு மருந்தியலில் எளிமையாக்கப்படாததே.

இதற்கு ஒரே தீர்வு, மூலிகைகளில் இருந்து பிரித்தெடுக்கப்படும் ரசாயனத்தை பகுப்பாய்வு செய்து அதன் குணங்களை உறுதிப்படுத்துவதும், அதனை எளிய மருந்தாக மாற்றுவதும் தான். அதற்கான அடிப்படை ஆய்வுகளை நடத்தி, புற்றுநோய், வலிப்பு நோய், மலேரியா உள்ளிட்ட தீரா நோய்களுக்கு அற்புதமான பல மருந்துகளைக் கண்டறிந்தவர் கரிம வேதியியல் விஞ்ஞானியான அஸீமா சட்டர்ஜி.
இந்தியாவில் அறிவியலில் ஆய்வு முனைவர் பட்டம் பெற்ற முதல் பெண் (1944), இந்திய விஞ்ஞான காங்கிரஸின் தலைவராகத் தேர்ந்தெடுக்கப்பட்ட முதல் பெண் (1975) என்ற சிறப்புகளும் அவருக்குண்டு. Continue reading

உலகப் புகழ் பெற்ற இருதயவியல் நிபுணர்

26 Sep

சலீம் யூசுப்

உலக அளவில் ஆட்கொல்லி நோய்களில் முதலிடம் வகிப்பது மாரடைப்பு எனப்படும் இருதய நோய் தான். தவிர, லட்சக் கணக்கான மக்களை முடமாக்குவது பக்கவாத நோய். இவ்விரண்டு நோய்களையும் வரும் முன் காக்கத் தேவையான தற்காப்பு முறைகளையும், நோயிலிருந்து விடுபடுவதற்கான வெற்றிகரமான சிகிச்சை முறைகளையும் கண்டறிந்தவராக, கனடாவில் வாழும் இந்திய மருத்துவரான இருதயவியல் வல்லுநர் சலீம் யூசுப் கருதப்படுகிறார்.

லட்சக் கணக்கான நோயாளிகளிடம் சிகிச்சை ஆராய்ச்சி நடத்தி, அதன்மூலம் இருதய நோய், மூளையைத் தாக்கும் ரத்தநாள அடைப்பு ஆகியவை குறித்த தெளிவான முடிவுகளை அவர் வெளியிட்டுள்ளார். Continue reading