Tag Archives: வாழ்க்கை

பொன்நெல்லி மழை பொழிக!

23 Oct

மாலவன் நெஞ்சினினிலே-பூ
மாலையாய்த் தவழ்ந்திருப்பாள்- நல்
நீலமா விழியருள- பொன்
நெல்லி மழை பொழியும்!
.
ராகவன் வில்லினுக்கே-தன்
வாழ்வினை அளித்தவளாம் -வை
தேகியின் விழியருள- பொன்
நெல்லி மழை பொழியும்! Continue reading

இதயத்தின் மௌனம்

2 Oct

இயந்திர கதியாய்
அலைந்த உடம்பு
இறுகிக் கிடக்கிறது
நிர்க்கதியாய்.
ஓர் இதயத்தின் மௌனம் –
பல இதயங்களின்
ஒப்பாரியாய்.

 

2009

வாழ்க்கை -4

29 Sep

இங்கிருந்து அங்கு பார்த்தால்
அழகாக இருக்கிறது
அங்கிருந்து இங்கு பார்த்தாலும்
அழகாக இருக்கும்.
இது இயற்கை.

இங்கிருந்து அங்கு பார்த்தால்
அழுக்காக இருக்கிறது
அங்கிருந்து இங்கு பார்த்தாலும்
அழுக்காக இருக்கும்.
இது வாழ்க்கை.

-விஜயபாரதம்

இன்னும் கொஞ்சம்…

27 Sep

 

இன்னும் கொஞ்சம்
நுகர்ந்திருக்கலாம்-
வாடிவிட்டது
வாசமலர்.

இன்னும் கொஞ்சம்
சுவைத்திருக்கலாம்-
நிரம்பிவிட்டது
வயிறு.

இன்னும் கொஞ்சம்
ரசித்திருக்கலாம்-
முடிந்துவிட்டது
கச்சேரி. Continue reading

வலி

25 Sep

புன்னகை தவழும்
புகைப்படத்தை
கடிதத்துடன் ஒட்டி
அனுப்ப வேண்டியவருக்கு
அனுப்பியாகிவிட்டது.
மனதின் வலி
அவருக்கெங்கு
தெரியப் போகிறது?

 

தமிழன் எக்ஸ்பிரஸ் (1999, செப். 15)

வாழ்க்கை-3

19 Sep

நாளொரு மேனியும்
பொழுதொரு வண்ணமுமாக
வளர்கிறது நகரம்.
மூட்டுவலியும்
தினசரி உபாதையுமாக
தளர்கிறது கிராமம்.

இளமைக்கும் முதுமைக்கும்
இடைப்பட்ட காலம் போல-
நகரத்துக்கும் கிராமத்துக்கும்
இடையே ஓடிக் கழிகிறது
வாழ்க்கை.

 

 

 

.

%d bloggers like this: