Tag Archives: விஜயபாரதம்

சிகிச்சை 

24 May

 

தலைவலி போக
மாத்திரையை மட்டுமல்லாது
வயிற்று வலியையும் வாங்கி,
வயிற்று நோவுக்காக 
வயிற்றை அறுத்து, 
இப்போது
தையலில் வலி.
அலோபதியின்
கடைக்கண் பார்வையை 
நினைக்குந்தோறும்
நரம்பில் ஊசி ஏறுகிறது.

விஜயபாரதம் (28.01.2000)

குடி 

23 May

குடித்துவிட்டு வாகனம்
ஓட்டுகிறார்களா?
என்று சோதிக்கும்
சாலையோரக் காவலரின்
வாயில்
சாராய வீச்சம்.

விஜயபாரதம் (22.10.1999)

சாஸ்வத சமதர்மம்

22 May

எரிந்து கொண்டிருந்தது அது. 
நேற்றுவரை அது 
அவராக இருந்தது.
அவர் – கோடீஸ்வரர்.

அருகிலேயே 
அதுவும் எரிந்தது.
இன்று காலை அது 
அவனாக இருந்தது.
அவன்- அநாதை.

நாளை 
இரு சவச் சாம்பல்களும் 
மண்ணில் கலந்திருக்கும்.

வெட்டியான் 
காத்திருக்கிறான் –
நாளை வரப் போகும் 
பிணங்களுக்காக. 

விஜயபாரதம் (06.11.1998)

இரக்கம்…

20 May

காயப்படுத்தியவனுக்கும்
பால் வார்த்தது
ரப்பர் மரம்.
.

நாளை பறிக்கவிருந்த
கொய்யாக்கனியை
இன்றே கடித்தது அணில்.

.
அநாதையாய்க் 
கிடக்கிறது 
அறுந்துவிட்ட செருப்பு.
.

சிறுநீரகம் 
தானம் செய்தார் 
இருகண்ணும் இல்லாதவர்.
.

முதலில் திகைப்பு
இடையில் இணைப்பு
கடைசியில் ஹைகூ.

 

-விஜயபாரதம் (18.09.1998)

சாதா‘ரண’ தொடர்பு

19 May
ஒவ்வொரு நாளும் உங்களால்
ரத்த தானம் செய்ய முடியுமா?
பசுவால் முடியும் –
பாலின் வடிவில்.
.
எல்லாம் கறந்துவிட்டு
அடிமாடாக்க
மனிதனால் மட்டுமே
முடியும்.

Continue reading

பவனி

18 May


ஓபெல் அஸ்திரா
மாருதி ஜென்
கான்டசா கிளாசிக்
அம்பாசிடர்
பிரீமியர் பத்மினி
ஹூண்டாய் சான்ட்ரோ…
பலநிற கார்கள்
பவனி போகின்றன-
நடைபாதையில் உறங்கும்
நாடோடியைக் கடந்து.

விஜயபாரதம் (24.09.1999)

வாழ்க்கை

17 May


நாவின் ருசி மயக்கத்தில்
வயிற்றுவலியை
மறந்த வாழ்வு.
நாப்புண்ணை சபிக்கும்
பசி படர்ந்த வயிறு.
இரண்டினூடே
ஊசலாடுகிறது 
வாழ்க்கை.

விஜயபாரதம் (28.01.2000)

வெற்றியின் சின்னம்

15 May
தோல்விகள் நமக்கு ஏணிகளாகும்
துயரம் நமக்குப் படிப்பினையாகும்;
வெற்றிக் கனியை எட்டும் பொழுதில்
வேதனை எல்லாம் சாதனையாகும்!

Continue reading

மானிட வாழ்க்கை

10 May

மானிட வாழ்க்கை நாடக மேடை
என்றார் சேக்ஸ்பியர், நாடக மேதை.

அருளே வாழ்க்கை, அதற்கே என்று
அருட்பா வள்ளல் சொன்னார் நன்று.

இவ்வுலகம் இனி மேலும் போதும்,
வேண்டாப் பிறவி – புத்தர் போதம். 

அரிதாம் பிறக்க மானிடராக 
அவ்வை சொன்னாள் தேனமுதாக.

மானிட அல்லல் போதும் என்றார்
மறுமறுபடியும் துன்பம் கொண்டோர்.

இவற்றில் எத்தனை பொய்யென மறுப்பது?
எல்லாம் உண்மை; ஏற்பவர் பொறுப்பது!

-விஜயபாரதம்
.

அம்பிகை துதி

4 May


காஷ்மீர வைஷ்ணவியின் கழல்களினைப் பற்றிடுவோம்!
கடலாடும் பகவதியைக் கரம் கூப்பி வணங்கிடுவோம்!
காசினிக்கு உணவளிக்கும் பூரணியைப் போற்றிடுவோம்!
காஞ்சியிலே வீற்றிருக்கும் காமாட்சி அருள் பொலிக!

Continue reading

%d bloggers like this: