ஒடுக்கத் துகள் இயற்பியல் நிபுணர்

23 Jan

டி.வி.ராமகிருஷ்ணன்

இயற்பியலில் ஒடுக்க நிலை பொருள் இயற்பியல் (Condensed Matter Theory) என்ற நவீனத் துறை வளர்ந்து வருகிறது. இது, பொருளின் அணுக்களில் ஏற்படும் மாற்றங்களை இயற்பியல்ரீதியாக ஆராய்வதாகும்; குவான்டம் இயற்பியல், மின்காந்தவியல், இயந்திரப் புள்ளியியல் ஆகிய துறைகள் இணைந்த இத்துறையில், உலக அளவில் வல்லுநராக, தமிழகத்தைச் சார்ந்த விஞ்ஞானி டி.வி.ராமகிருஷ்ணன் கருதப்படுகிறார். Continue reading

Advertisements

இந்திய இளைஞர்களின் கலங்கரைவிளக்கம்!

23 Jan

நேதாஜி சுபாஷ்சந்திர போஸ்

மனித வாழ்க்கை மிகவும் குறுகியது. இந்த சிறிய எல்லைக்குள் மகத்தான பணிகளை நிறைவேற்றி மறைபவர்களே மகான்களாகப் போற்றப்படுகின்றனர். அத்தகைய மாவீரர்தான் நேதாஜி என்று அழைக்கப்படும் சுபாஷ்சந்திர போஸ்.

கட்டாக்கில் 1897 ஜன. 23-இல் பிறந்த போஸ், தைவானில் 1945, ஆக. 18}இல் நடந்த விமான விபத்தில் மாயமானது வரை, தனது வாழ்க்கை நிகழ்வுகளால் சரித்திரத்தில் பல அரிய பதிவுகளை விட்டுச் சென்றுள்ளார். அவர் விமான விபத்தில் மறையவில்லை என்று ஒரு கருத்தும் உண்டு. அதுகுறித்து விசாரித்த முகர்ஜி ஆணையம், நேதாஜி விமான விபத்தில் இறக்கவில்லை என்று அறிக்கை அளித்தது. ஆயினும், மக்கள் அறிய அவர் வாழ்ந்த காலத்தைக் கருதியே, அரை நூற்றாண்டுக்குள் அரிய சாகஸம் நிகழ்த்திய சாதனையாளராக அவரை இளைய சமுதாயம் கொண்டாடி மகிழ்கிறது. Continue reading

இஸ்ரோ தலைவரான தமிழக விஞ்ஞானி

16 Jan

கே.சிவன்

விண்வெளி ஆய்விலும், செயற்கைக்கோள்களை ஏவுவதிலும் சாதனைகளை ஆரவாரமின்றி நிகழ்த்தி வரும் இந்திய விண்வெளி ஆராய்ச்சிக் கழகத்தின் (இஸ்ரோ) 9-வது தலைவராக, தமிழரான கே.சிவன் நியமிக்கப்பட்டிருக்கிறார். தனது 35 ஆண்டு கால இஸ்ரோ பணிக் காலத்தில் சிவன் நிகழ்த்திய அரிய சாதனைகளே, அவரை இந்தியாவின் மிகச் சிறந்த ஆராய்ச்சி நிறுவனத்தின் தலைமைப் பதவிக்கு உயர்த்தியுள்ளன.

தமிழ்நாட்டின் கன்னியாகுமரி மாவட்டத்தில் உள்ள சாரக்காவிளை என்ற கிராமத்தில் 1957-இல் பிறந்தவர் கே.சிவன். அவரது பெற்றோர்: கைலாசவடிவு நாடார்- செல்லம் தம்பதியர். 

சாரக்காவிளையில் ஆரமபப் பள்ளியிலும், வல்லங்குமாரவிளை கிராமத்திலுள்ள உயர்நிலைப் பள்ளியிலும் பயின்ற சிவன்,  நாகர்கோவில் எஸ்.டி.ஹிந்து கல்லூரியில் கல்லூரி அறிமுக வகுப்பு முடித்தார். சென்னை எம்.ஐ.டி.யில் விண்கலப் பொறியியலில் பி.இ. பட்டம் (1980) பெற்ற அவர், பெங்களூரு ஐ.ஐ.எஸ்சி.யில் விண்வெளிப் பொறியியலில் எம்.இ. பட்டம் (1982) பெற்றார்.  விவசாயம் சார்ந்த தனது குடும்பத்தில் முதல் பட்டதாரி சிவன்தான். Continue reading

பண்பாட்டின் அடிச்சுவடு ஏறுதழுவல்

14 Jan

தமிழ்ப் பண்பாட்டில்  ‘ஏறு தழுவல’ எனப்படும் ஜல்லிக்கட்டுக்கு முதன்மையான இடமுண்டு. அறுவடைத் திருநாளாம் தைப்பொங்கலை முன்னிட்டு நடத்தப்படும் ஜல்லிக்கட்டு, நமது சமுதாயத்தின் வீரத்தையும், கால்நடைச் செல்வத்தின் சிறப்பையும் ஒருங்கே வலுப்படுத்துவதாகத் திகழ்கிறது.

விவசாயமே உலகின் முதுகெலும்பு. விவசாயத்தின் ஆதாரம் கதிரவன். எனவேதான் தை முதல்நாளில் அறுவடையான பயிர்களைப் படைத்து, கதிரவனுக்கு நன்றி செலுத்தும் விதமாக பொங்கலிட்டு மகிழ்கிறோம்.

அதுபோலவே விவசாயிகளுக்கு நண்பனாகத் திகழ்வது கால்நடைச் செல்வமே. அதற்காகவே தை இரண்டாம் நாளில் மாட்டுப் பொங்கலிட்டு, மாடுகளுக்கு நன்றி செலுத்துகிறோம். தை மூன்றாம் நாளில் பெண் குழந்தைகளும் இளம்பெண்களும் கன்னிப் பொங்கலிட்டு பாவை நோன்பை நிறைவு செய்வர். கூடவே பல இடங்களில் மஞ்சுவிரட்டு எனப்படும் ஏறுதழுவல் நடைபெறுவது பாரம்பரிய நிகழ்வாகும். Continue reading